លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង បានអញ្ជើញជួបសំណោះសំណាល សួរសុខទុក្ខ និងនាំយកអំណោយជាគ្រឿងឧបភោគបរិភោគ និងសម្ភារសម្រាប់ការពារជំងឺកូវីដ-១៩ ជូនដល់អតីតយុទ្ធជន និងក្រុមប្រឹក្សាឃុំកោះស្តេច នៅសាលាឃុំកោះស្តេច ស្រុកគិរីសាគរ ខេត្តកោះកុង។
លោកជំទាវអភិបាលខេត្ត សូម បង ប្អូន អ៊ុំ ពូមីង មានការប្រុងប្រយ័ត្នខ្ពស់ ហើយបន្តយកចិត្តទុកដាក់ថែរក្សាសុខភាពអោយបានល្អ ចៀសវាងការឆ្លងមេរោគកូវីដ-១៩ ដោយអនុវត្តខ្ជាប់ខ្ជួនតាមការណែនាំរបស់ក្រសួងសុខាភិបាល។ ដើម្បីសុខភាពល្អ ចៀសផុតពីជំងឺឆ្លងកូវីដ-១៩ និងជំងឺឆ្លងផ្សេងៗ សូមបង ប្អូន អ៊ុំ ពូមីង រស់នៅមានអនាម័យល្អ ឧស្សាហ៍ដុសលាងសម្អាតដៃជាមួយសាប៊ូ អាល់កុល ឬជេលសម្លាប់មេរោគ ហើយត្រូវតែពាក់ម៉ាសជាប្រចាំ។ កុំធ្វេសប្រហែស ឬមើលស្រាលជំងឺឆ្លងកូវីដ-១៩អោយសោះ ការពារប្រសេីរជាងព្យាបាល។ សូមជូនពរដល់បង ប្អូន អ៊ុំ ពូមីង មានសុខភាពល្អ និងចៀសផុតពីជំងឺឆ្លងកូវីដ-១៩ទាំងអស់គ្នា៕
