លោក សុខ សុទ្ធី អភិបាលរង នៃគណៈអភិបាលខេត្តកោះកុង បានដឹកនាំក្រុមការងាររួមមាន តំណាងមន្ទីរបរិស្ថានខេត្ត មន្ទីររៀបចំដែនដីនគរូបនីយកម្ម សំណង់ និងសុរិយោដីខេត្ត អភិបាលស្រុក នាយករដ្ឋបាលស្រុកកោះកុង ចុះពិនិត្យទីតាំងដីសម្បទានសង្គមកិច្ច ស្ថិតនៅឃុំត្រពាំងរូង ស្រុកកោះកុង ដោយចុះពិនិត្យមើលទីតាំងដីជាក់ស្តែង និងចំណុចព្រំដី។
លោក សុខ សុទ្ធី អភិបាលរងខេត្ត បានណែនាំដល់លោកអភិបាលស្រុក និងអ្នកពាក់ព័ន្ធឱ្យទប់ស្កាត់កុំឱ្យជនខិលខូចឆ្លៀតឱកាសទន្រ្ទានយកដីនៅក្នុងតំបន់ដីសម្បទានសង្គមកិច្ចនោះ។ ក្នុងឱកាសនោះដែរ លោកអភិបាលរងខេត្តក៏បានចុះពិនិត្យទីតាំងផ្ទះប្រជាពលរដ្ឋដែលស្ថិតនៅតំបន់នោះផងដែរ។
ប្រភព : ទីចាត់ការអន្តរវិស័យ សាលាខេត្តកោះកុង
