ស្រុកកោះកុង៖ នៅរសៀលថ្ងៃអង្គារ ៣ កើត ខែអាសាឍ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៣ ខែមិថុនា ឆ្នាំ២០២០ វេលាម៉ោង ២:៣០ នាទី លោកស្រី អ៊ិន សុភី អភិបាលរងស្រុក និងជាប្រធានគណៈកម្មាការគ្រប់គ្រងមណ្ឌលសុខភាពត្រពាំងរូង បានដឹកនាំកិច្ចប្រជុំ បូកសរុបលទ្ធផលការងារឆមាសទី១ ឆ្នាំ២០២០ របស់គណៈកម្មាការគ្រប់គ្រងមណ្ឌលសុខភាពត្រពាំងរូង ដោយមានការអញ្ជើញចូលពីលោក លោកស្រីអនុប្រធាន សមាជិកគណៈកម្មាការមណ្ឌលសុខភាព តំណាងមន្ទីរសុខាភិបាលខេត្ត អង្គការCRS និងតំណាងប្រតិបត្តិស្មាច់មានជ័យ នៅសាលប្រជុំ សាលាស្រុកកោះកុង សរុបចំនួន ១១នាក់ ស្រី ០៦នាក់។
-របៀបវារៈនៃកិច្ចប្រជុំរួមមាន៖
១. ពិនិត្យ និងកែសម្រួលកំណត់ហេតុខែមេសា
២. ការបង្ហាញពីរបាយការណ៍ហិរញ្ញវត្ថុរបស់មណ្ឌលសុខភាពត្រពាំងរូង
៣. ការបង្ហាញពីរបាយការណ៍ឆមាសទី១ ធៀបនឹងផែនការប្រចាំឆ្នាំ២០២០
៤. ការបង្ហាញពីរបាយការណ៍តាមឃុំនីមួយៗ និងក្រុមទ្រទ្រង់សុខភាពភូមិ
៥. បញ្ហាផ្សេងៗ
៦. ទិសដៅបន្ត
៧. សង្ខេបលទ្ធផល និងបិទអង្គប្រជុំ
ប្រភព ៖ អ៊ឹង បឺត
