ខេត្តកោះកុង៖ លោក អ៊ុក ភ័ក្ត្រា អភិបាលរងខេត្ត និងជាតំណាងដ៏ខ្ពង់ខ្ពស់លោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានអញ្ជើញអមដំណើរ ឯកឧត្តម នេត្រ ភក្ត្រា រដ្ឋលេខាធិការក្រសួងបរិស្ថាន ចុះពិនិត្យការចិញ្ចឹមគ្រំចំពុះទា និងការកែច្នៃផលនេសាទ (បង្គារក្រៀម) នៅសហគមន៍ពាមក្រសោប ដោយមានការចូលរួមពីសំណាកអ្នកសារព័ត៌មាន និងចុងភៅប្រចាំសណ្ឋាគារឡឺរ៉ូយាល់ ដើម្បីសិក្សា និងរកទីផ្សាជូនប្រជានេសាទនាខេត្តកោះកុង។
ឯកឧត្តម នេត្រ ភក្ត្រា បានមានប្រសាសន៍ឱ្យដឹងថា កន្លងមកប្រជាសហគមន៍ ដែលបានចិញ្ចឹមគ្រំចំពុះទាលក់នៅខេត្តកោះកុងនេះ បាននាំចេញទៅលក់ឱ្យប្រទេសជិតខាងក្នុងតម្លៃមួយទាប ហេតុដូចនេះ ដោយមើលឃើញពីគុណប្រយោជន៍របស់គ្រំប្រភេទនេះ និងពិសេសចង់លើកស្ទួយជីវភាពរបស់បងប្អូនប្រជាពលរដ្ឋសហគមន៍ផង ក្រសួងបរិស្ថានបានទាក់ទាញបណ្តាសណ្ឋានគារធំៗ និងភោជនីយដ្ឋានល្បីៗនៅកម្ពុជា ចូលរួមទិញគ្រំទាំងនេះមកធ្វើជាមុខម្ហូបរបស់ខ្លួន ដែលមិនត្រឹមតែជាមុខម្ហូបល្បីឈ្មោះនៅអន្តរជាតិទេ វាថែមទាំងអាចក្លាយជាមុខម្ហូប ដែលមានរស់ជាតិឆ្ងាញ់ពិសារប្រចាំហាងរបស់គេនៅថ្ងៃខាងមុខផង៕
