កោះកុង÷ នៅថ្ងៃពុធ ០៧ រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៩ ខែកុម្ភះ ឆ្នាំ២០២៥ លោកវរសេនីយ៍ឯក ប្រាក់ យន្ត មេបញ្ជាការរង តំបន់ប្រតិបត្តិការសឹករងកោះកុង បានផ្សព្វផ្សាយអប់រំចិត្តសាស្រ្ត ច្បាប់ស្តីពីផ្លូវថ្នល់ ច្បាប់ស្តីពីលក្ខន្តិកះទូទៅរបស់កងយោធពលខេមរភូមិន្ទ និងសភាពការណ៍ថ្មីៗ ជូនដល់នាយទាហាន នាយទាហានរង និងពលទាហាន នៃអង្គភាពផ្ទៃក្នុង ចំនួន០៥ អង្គភាព ដែលកម្មវិធីនេះប្រារព្ធនៅទីបញ្ជាការផ្នែកសឹករងបូទុមសាគរ ។
លោក មេបញ្ជាការរង បានធ្វើការផ្សព្វផ្សាយច្បាប់ស្តីពីផ្លូវថ្នល់ ដើម្បីអោយយោធិនក្នុងអង្គភាព បានជ្រួតជ្រាបជៀសវាងការប្រព្រឹត្តខុសដោយអចេតនា ដែលនាំអោយមានទោសទណ្ឌ។
បន្ថែមពីការផ្សព្វផ្សាយច្បាប់ស្តីពីផ្លូវថ្នល់ លោកមេបញ្ជាការរង បានផ្សព្វផ្សាយច្បាប់ល័ក្ខខន្តិកៈទូទៅ នៃកងយោធពលខេមរភូមិន្ទ ជូននាយទាហាន នាយទាហានរង និងពលទាហាន ឱ្យបានយល់ដឹងគ្រប់ៗគ្នា ។
ជាចុងក្រោយលោក មេបញ្ជាការរង បានបញ្ជាក់លើកឡើងពីសារៈសខាន់លើការងារអប់រំចិត្តសាស្ត្រ ដែលកងទ័ពទាំងអស់ត្រូវយកចិត្តទុកដាក់ក្នុងការស្វែងយល់ លើការងារសតិអារម្មណ៍ ស្មារតីស្នេហាជាតិ មាតុភូមិ និងប្រជាជន ។ រក្សាសន្តិភាព ស្ថិរភាព ស្មោះត្រង់ដាច់ខាតឥតងាករ៉េ ជាមួយរាជរដ្ឋាភិបាលគ្រប់តំណាក់កាល ។ គោរពវិន័យ ក្រមសីលធម៌កងយោធពលខេមរភូមិន្ទ ប្រកានភ្ជាប់នូវតួនាទីភារកិច្ច ពង្រឹងបទវិន័យទូទៅ សណ្តាប់ធ្នាប់ ការអនុវត្តបទបញ្ជា របស់មេបញ្ជាការកងទ័ពជើងគោក យោធិនគ្រុបរូបត្រូវស្មោះត្រង់ដាច់ខាតចំពោះជាតិ សាសនា ព្រះមហាក្សត្រ ការពាររដ្ឋធម្មនុញ្ញ ការពាររាជរដ្ឋាភិបាលស្របច្បាប់ដែលកើតចេញពីការបោះឆ្នោត ការពារឱ្យបានដាច់ខាត នូវសន្តិភាព៕
