លោក សុខ ភិរម្យ អភិបាលស្រុក និងជាប្រធានគណៈកម្មាធិ ការអនុសាខាស្រុកមណ្ឌលសីមា បានដឹកនាំមន្ត្រីសាលាស្រុក ក្រុម ប្រឹក្សាឃុំ សហការជាមួយ សាខាកាកបាទក្រហមខេត្តកោះកុង ដើម្បីចុះសួរសុខទុក្ខ និងអប់រំផ្សព្វផ្សាយ លើកកម្ពស់ការយល់ដឹងអំពីគ្រាប់មីន និងយុទ្ធភ័ណ្ឌមិនទាន់ផ្ទុះ ផ្សព្វផ្សាយច្បាប់ចរាចរណ៍ ជូនប្រជាពលរដ្ឋ កងកម្លាំងប្រដាប់អាវុធតាមព្រំដែន លោកគ្រូអ្នកគ្រូនឹងសិស្សានុសិស្ស នៅសាលា បឋមសិក្សាគីរីវង្ស ស្ថិតក្នុងភូមិចាំយាម ឃុំប៉ាក់ខ្លង
លោក សុខ ភិរម្យ អភិបាលស្រុក និងជាប្រធានគណៈកម្មាធិ ការអនុសាខាស្រុកមណ្ឌលសីមា បានដឹកនាំមន្ត្រីសាលាស្រុក ក្រុម ប្រឹក្សាឃុំ លោកស្រីមេភូមិចាំយាមចូលរួមសហការជាមួយ លោក ឈួន យ៉ាដា នាយកប្រតិបត្តិ សាខាកាកបាទក្រហមខេត្ត កោះកុង និងសហការី ដើម្បីចុះសួរសុខទុក្ខ និងអប់រំផ្សព្វផ្សាយ លើកកម្ពស់ការយល់ដឹងអំពីគ្រាប់មីន និងយុទ្ធភ័ណ្ឌមិនទាន់ផ្ទុះ ផ្សព្វផ្សាយច្បាប់ចរាចរណ៍ ជូនប្រជាពលរដ្ឋ កងកម្លាំងប្រដាប់អាវុធតាមព្រំដែន លោកគ្រូអ្នកគ្រូនឹងសិស្សានុសិស្ស នៅសាលា បឋមសិក្សាគីរីវង្ស ស្ថិតក្នុងភូមិចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង ។
ក្នុងនោះដែរលោកអភិបាលស្រុកបាននាំយកនូវអំណោយរបស់អនុសាខាទៅចែកជូនប្រជាពលរដ្ឋក្នុងមួយគ្រួសារទទួលបានអង្ករ១០ គីឡូក្រាម សរុបស្មើ៥០០គីឡូក្រាម និងសម្ភារៈសិក្សាជូនលោកគ្រូអ្នកគ្រូនិងសិស្សានុសិស្ស មានសៀវភៅចំនួន១៣០ ក្បាលបិទ១៣០ដើម បាល់ទាត់ បាល់ទះ ចំនួន២គ្រាប់ផងដែរ ។
ថ្ងៃអង្គារ ៦រោច ខែមាឃ ឆ្នាំរោង ឆស័ក ព.ស ២៥៦៨
ត្រូវនឹងថ្ងៃទី១៨ ខែកុម្ភៈ ឆ្នាំ២០២៥
វេលាម៉ោង៨:៣០នាទីព្រឹក
