លោក ជូ សេរីយ៉ា អនុប្រធានមន្ទីរអប់រំ យុវជន និងកីឡាខេត្ត បានដឹកនាំកម្មវិធីប្រឡងប្រជែង ការតែងនិពន្ធ ការអានអត្ថបទ និងស្មូត្រកំណាព្យ និងតែងនិពន្ធ អបអរសាទរទិវាអំណានជាតិលើកទី១០
កាលពីថ្ងៃទី១៨ ខែកុម្ភៈ ឆ្នាំ២០២៥ លោក ជូ សេរីយ៉ា អនុប្រធានមន្ទីរអប់រំ យុវជន និងកីឡាខេត្ត បានដឹកនាំកម្មវិធីប្រឡងប្រជែង ការតែងនិពន្ធ ការអានអត្ថបទ និងស្មូត្រកំណាព្យ និងតែងនិពន្ធ អបអរសាទរទិវាអំណានជាតិលើកទី១០ ក្រោមការសហការដោយលោក-លោកស្រីដែលជាគណៈកម្មការ នៃមន្ទីរអប់រំ យុវជន និងកីឡាខេត្តកោះកុង ព្រមទាំងលោក-លោកស្រីគណៈកម្មការ នៃមន្ទីរព័ត៌មានខេត្ត និងមន្ទីរវប្បធម៌ និងវិចិត្រសិល្បៈខេត្តកោះកុង ដោយមានបេក្ខជនសរុបចំនួន ២១នាក់ ក្នុងនោះស្រី ១៧នាក់ មកពីតាមបណ្តាលក្រុង-ស្រុកទាំង៧ ក្រោមអធិបតីភាពលោក ហាក់ ឡេង អភិបាលរង នៃគណៈអភិបាលខេត្ត និងលោក-លោកស្រីអភិបាល អភិបាលរង នៃរដ្ឋបាលក្រុង-ស្រុកទាំង៧ នឹងជាលទ្ធផលយើងជ្រើសរើសបាន
– ជ័យលាភីតែងនិពន្ធចំនួន ០១រូប
ឈ្មោះ សើ សុខវី ភេទប្រុស មកពីវិទ្យាល័យថ្មស ក្នុងស្រុកបូទុមសាគរ
– ជ័យលាភីអានអត្ថបទចំនួន០១រូប
ឈ្មោះ កែវ វួចនា ភេទស្រី មកពីសាលាបឋមសិក្សាអណ្តូងទឹក ក្នុងស្រុកបូទុមសាគរ និង
– ជ័យលាភីស្មូត្រកំណាព្យចំនួន០១រូប
ឈ្មោះ បូរិទ្ធ រស្មី ភេទស្រី មកពីវិទ្យាល័យហ៊ុនសែនចាំយាម ក្នុងស្រុកមណ្ឌលសីមា ដើម្បីចូលរួមប្រកួតថ្នាក់ជាតិ អបអរទិវាអំនានជាតិលើកទី១០ នាពេលខាងមុខ នៅរាជធានីភ្នំពេញ។
ថ្ងៃពុធ ៧រោច ខែមាឃ ឆ្នាំរោង ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៩ ខែកុម្ភៈ ឆ្នាំ២០២៥
អត្ថបទដោយ៖ ឡុច ភារុន
