លោក អន សុធារិទ្ធ អភិបាលរង នៃគណៈអភិបាលខេត្តកោះកុង បានអញ្ជើញចូលរួមពិធីប្រកាសជ័យលាភី និងប្រគល់ពាន និង/ឬផ្តល់រង្វាន់ ១) កម្មវិធីប្រកួតប្រជែងស្នាដៃរចនាគម្រោងប្លង់នគរូបនីយកម្ម តំបន់ឆ្នេរសមុទ្រកម្ពុជា ២)កម្មវិធីប្រឡងប្រណាំងឆ្នេរខ្សាច់កម្សាន្តស្អាតនិងព្រែកកម្សាន្តស្អាត និង ៣)កម្មវិធីប្រឡងប្រណាំងវីដេអូខ្លី “មាតុភូមិខ្ញុំ ឆ្នេរស្អាតនិងព្រែកស្អាត”
លោក អន សុធារិទ្ធ អភិបាលរង នៃគណៈអភិបាលខេត្តកោះកុង បានអញ្ជើញចូលរួមពិធីប្រកាសជ័យលាភី និងប្រគល់ពាន និង/ឬផ្តល់រង្វាន់ ១) កម្មវិធីប្រកួតប្រជែងស្នាដៃរចនាគម្រោងប្លង់នគរូបនីយកម្ម តំបន់ឆ្នេរសមុទ្រកម្ពុជា ២)កម្មវិធីប្រឡងប្រណាំងឆ្នេរខ្សាច់កម្សាន្តស្អាតនិងព្រែកកម្សាន្តស្អាត និង ៣)កម្មវិធីប្រឡងប្រណាំងវីដេអូខ្លី “មាតុភូមិខ្ញុំ ឆ្នេរស្អាតនិងព្រែកស្អាត” ដែលរៀបចំនៅផ្ទះលំហែ និងភោជនីយដ្ឋានឆ្នេរចុងប៉ូច ស្ថិតនៅភូមិជុំគ្រៀល ឃ្មុំ ជុំគ្រៀល ស្រុកទឹកឈូ ខេត្តកំពត ក្រោមអធិបតីភាព ឯកឧត្តមឧបនាយករដ្ឋមន្ត្រី សាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ និងឯកឧត្តម ហួត ហាក់ រដ្ឋមន្រ្តីក្រសួងទេសចរណ៍។ ក្នុងកម្មវិធី ឆ្នេរស្អាតនិងព្រែកស្អាត” ខេត្តកោះកុងទទួលបានជ័យលាភី ឆ្នេរស្អាត ចំនួន០៧ទីតាំង គឺឆ្នេរប៉ាក់ខ្លង ឆ្នេរចាំយាម ឆ្នេរនេសាទ ឆ្នេរសុភមង្គល ឆ្នេរកោះស្តេចរីស៊ត ឆ្នេរកោះអំពិល ឆ្នេរអៅស៊ីវង្ស(ឆ្នេរ៨៨) និងព្រែកចំនួន០២ទីតាំង គឺព្រែកចម្រុះជ្រោយស្វាយ និងព្រែកកោងកាងកណ្តោល។ ជាមួយនឹងសមិទ្ធផលដែលទទួលបាន រដ្ឋបាលខេត្តកោះកុង សង្ឃឹមថានឹងអាចទាក់ទាញភ្ញៀវទេសចរណ៍កាន់តែច្រើន សម្រាប់ពិធីបុណ្យសមុទ្រ ឆ្នាំ២០២៥ ខាងមុខ ដែលខេត្តកោះកុងធ្វើជាម្ចាស់ផ្ទះ។
ថ្ងៃពុធ ៩រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២២ ខែមករា ឆ្នាំ២០២៥ January 22, 2025
