រដ្ឋបាលខេត្តកោះកុង

សាខា កក្រក ខេត្តកោះកុង៖ នៅព្រឹកថ្ងៃពុធ ទី២២ ខែមករា ឆ្នាំ២០២៥ លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជាខេត្តកោះកុង បានចាត់ឱ្យ លោក ឈួន យ៉ាដា នាយកប្រតិបត្តិសាខា និងសហការី បានដឹកនាំកម្លាំង អ្នកស្ម័គ្រចិត្ត សហការ ជាមួយលោក ប្រាក់ វិចិត្រ ប្រធានគណៈកម្មាធិការអនុសាខាក្រុងខេមរភូមិន្ទ អាជ្ញាធរសង្កាត់ដងទង់ ក្រុមការងារជាងម៉ៅការសាងសង់ បានចុះពិនិត្យការសាងសង់ផ្ទះជូនគ្រួសារងាយរងគ្រោះ ១គ្រួសារផ្ទះ ឈ្មោះ សុខ សៅជរា ភេទស្រី អាយុ៦៦ឆ្នាំ ស្ថិតនៅភូមិ២ សង្កាត់ដងទង់ ក្រុងខេមរភូមិន្ទ ខេត្តកោះកុង ។ ចំពោះសម្ភារៈគ្រឿងផ្ទះ ដែលបានប្រគល់ជូន គឺជាថវិកាមូលនិធីសាខា កក្រក ខេត្ត បានទទួលមកពីសប្បុរជនគ្រប់មជ្ឍដ្ឋាន ក្នុងការចូលរួមចំណែកការងារមនុស្សធម៌ ដើម្បីជួយសម្រាលទុក្ខលំបាករបស់បងប្អូន។

សូមបញ្ជាក់ថា គម្រោងសាងសង់ផ្ទះនេះជាផ្ទះទី៨ ដែលសាខាខេត្ត បានផ្តល់ជូនដល់គ្រួសារចាស់ជរា គ្រួសារចាស់ជរាងាយរងគ្រោះគ្មានទីពឹង។