លោក ធោង ចន្រ្ទា ប្រធានការិយាល័យអត្តសញ្ញាណកម្មគ្រួសារក្រីក្រ នៃមន្ទីរផែនការខេត្តកោះកុង ដឹកនាំក្រុមការងារមន្ទីរ ២រូប ចុះសម្ភាសន៍ សំណាកប្រចាំត្រីមាសទី១ ឆ្នាំ២០២៥ តាមដានត្រួតពិនិត្យការអនុវត្តនីតិវិធីអត្តសញ្ញាណកម្មគ្រួសារក្រីក្រ នៅសង្កាត់ស្មាច់មានជ័យ និងឃុំពាមក្រសោប
ដោយបានការអនុញ្ញាតពី លោក ជា ស៊ីវត្រា ប្រធានមន្ទីរផែនការខេត្តកោះកុង លោក ធោង ចន្រ្ទា ប្រធានការិយាល័យអត្តសញ្ញាណកម្មគ្រួសារក្រីក្រ ដឹកនាំក្រុមការងារមន្ទីរ ២រូប ចុះសម្ភាសន៍ សំណាកប្រចាំត្រីមាសទី១ ឆ្នាំ២០២៥ តាមដានត្រួតពិនិត្យការអនុវត្តនីតិវិធីអត្តសញ្ញាណកម្មគ្រួសារក្រីក្រ បញ្ហាប្រឈម និងប្រជុំពិភាក្សាជាមួយក្រុមការងារសង្កាត់ស្មាច់មានជ័យ និងឃុំពាមក្រសោប ដើម្បីបង្កើនប្រសិទ្ធភាព សុក្រឹតភាព តម្លាភាព គណនេយ្យភាព និងវឌ្ឍនភាព។ ក្រុមការងារបានចុះទៅសម្ភាសន៍សំណាក ៥គ្រួសារ ស្ថិតក្នុងភូមិ០១ សង្កាត់ស្មាច់មានជ័យ ក្រុងខេមរភូមិន្ទ និង៥គ្រួសារ ស្ថិតនៅភូមិពាមក្រសោប១ ឃុំពាមក្រសោប ស្រុកមណ្ឌលសីមា ខេត្តកោះកុង ។
ថ្ងៃអង្គារ ៨រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២១ ខែមករា ឆ្នាំ២០២៥
