រដ្ឋបាលខេត្តកោះកុង

លោក ប្រាក់ វិចិត្រ ប្រធានក្រុមប្រឹក្សាក្រុងខេមរភូមិន្ទ បានអញ្ជើញជាអធិបតីក្នុងកិច្ចប្រជុំបោះឆ្នោតជ្រើសរើសតំណាងអង្គការសង្គមស៊ីវិល និងសមាគមន៍ចំនួន ៣រូបដើម្បីបញ្ចូលជាសមាជិកគណៈកម្មាធិការបោះឆ្នោតជ្រើសរើសប្រធានការិយាល័យប្រជាពលរដ្ឋក្រុងខេមរភូមិន្ទ ។

សមាសភាពអញ្ជើញចូលរួមមាន លោក លោកស្រីសមាជិកក្រុមប្រឹក្សាក្រុង តំណាងក្រុមប្រឹក្សាសង្កាត់ លោក លោកស្រីនាយកនាយករង ប្រធាន អនុប្រធានការិយាល័យ ពាក់ព័ន្ធនៃរដ្ឋបាលក្រុង និងលោក លោកស្រីតំណាងអង្គការសង្គមស៊ីវិល និងសមាគមដែលមានសកម្មភាពក្នុងក្រុង សរុបប្រមាណ ២២ រូប ។

កិច្ចប្រជុំនេះបានរៀបចំឡើងនៅសាលប្រជុំសាលាក្រុងខេមរភូមិន្ទ វេលាម៉ោង ២:៣០នាទីរសៀល ថ្ងៃច័ន្ទ ៧រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែមករា ឆ្នាំ២០២៥

#ប្រភពពីរដ្ឋបាលក្រុងខេមរភូមិន្ទ#