រដ្ឋបាលខេត្តកោះកុង

នៅរសៀលថ្ងៃចន្ទ ៧រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែមករា ឆ្នាំ២០២៥ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យ ថ្នាក់ដឹកនាំមន្ទីរពេទ្យ បង្អែកខេត្តកោះកុង និងថ្នាក់ដឹកនាំផ្នែក ចូលរួមកិច្ចប្រជុំស្ដីពី”ការរៀបចំសម្ព័នមេត្រីភាពរវាងមន្ទីរពេទ្យជាតិ និងមន្ទីរពេទ្យបង្អែករាជធានី ខេត្ត” តាមប្រព័ន្ធនិម្មិត Zoom ក្រោមអធិបតីភាពឯកឧត្ដមសាស្តាចារ្យ ឡឹម តារា រដ្ឋលេខាធិការក្រសួងសុខាភិបាល និងមានវត្តមានអញ្ជើញចូលរួមពីឯកឧត្ដម លោកជំទាវ លោក លោកស្រី ជាថ្នាក់ដឹកនាំក្រសួងសុខាភិបាល ថ្នាក់ដឹកនាំមន្ទីរពេទ្យជាតិ ថ្នាក់ដឹកនាំមន្ទីរសុខាភិបាល និងថ្នាក់ដឹកនាំមន្ទីរពេទ្យរាជធានី ខេត្តនៅទូទាំងប្រទេស។ កិច្ចប្រជុំនេះមានគោលបំណងបង្កើនទំនាក់ទំនងល្អរវាងមន្ទីរពេទ្យជាតិ និងមន្ទីរពេទ្យបង្អែករាជធានី ខេត្ត ជាពិសេសការផ្ដល់ការគាំទ្រពីមន្ទីរពេទ្យថ្នាក់ជាតិដល់មន្ទីរពេទ្យរាជធានី ខេត្ត ទាំងការបណ្ដុះបណ្ដាលផ្នែកទ្រឺស្ដី និងការអនុវត្តបច្ចេកទេសក្នុងការថែទាំ ព្យាបាល ការចែករំលែកបទពិសោធន៍នានា និងការទំនាក់ទំនងក្នុងការបញ្ជូនអ្នកជំងឺជាដើម ដោយអនុវត្តទៅតាមសេចក្ដីសម្រេចលេខ ០០០១ ស.អបស.សសរ របស់ក្រសួងសុខាភិបាល ចុះថ្ងៃទី៣ ខែមករា ឆ្នាំ២០២៥ ស្ដីពី <ការរៀបចំសម្ព័នមេត្រីភាពរវាងមន្ទីរពេទ្យជាតិ និងមន្ទីរពេទ្យបង្អែករាជធានី ខេត្ត> ។

ថ្ងៃចន្ទ ៧រោច ខែបុស្ស ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២០ ខែមករា ឆ្នាំ២០២៥ ។