រដ្ឋបាលខេត្តកោះកុង

លោកស្រី ស៊ិន ចរិយា តំណាងឲ្យលោក ឈេង សុវណ្ណដា ប្រធានគណៈកម្មាធិការអនុសាខាកាកបាទក្រហមកម្ពុជាក្រុងខេមរភូមិន្ទ លោកស្រី សមាជិក០២រូបទៀត សហការជាមួយ អាជ្ញាភូមិ សង្កាត់និង ស ស យ ក ក្រុង ជួបសំណេះសំណាលសួរសុខទុក្ខ និងនាំយក​អំណោយមនុស្សធម៌របស់សាខាកាកបាទក្រហមកម្ពុជាខេត្ត ទៅចែកជូនគ្រួសារមានជម្ងឺលើសឈាមនិងពិការខ្លួនទាំងស្រុង នៅភូមិបឹងឃុនឆាង សង្កាត់ស្មាច់មានជ័យចំនួន ១ គ្រួសារ
ក្នុងឱកាសនេះដែរលោកស្រីបានពាំនាំនូវប្រសាសន៍ផ្តាំ​ផ្ញើសួរសុខទុក្ខ និងសោកស្តាយពីសំណាក់ របស់លោកប្រធាន លោកជំទាវ មិថុនា ភូថង ប្រធានគណៈកម្មាធិការសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលជានិច្ចជាកាលសម្តេច តែងតែគិតគូរអំពីសុខទុក្ខរបស់បងប្អូនប្រជាពលរដ្ឋនៅគ្រប់ទីកន្លែង ដោយមិនមានការប្រកាន់ ពូជសាសន៍ ពណ៌សម្បុរ និន្នាការនយោបាយអ្វីឡើយ។​ ក្នុងនោះដែរអំណោយមានដូចជា ៖ អង្ករចំនួន ២៥គីឡូក្រាម មី១កេស អំបិល២គ.ក ស្ករស២គ.ក ទឹកដោះគោខាប២កំប៉ុង
ទឹកស៊ីអ៊ីវ៤ដប ទឹកត្រី៤ដប ប្រេងឆា២លីត្រ តែ៨កញ្ចប់ និងថវិកាចំនួន៥ម៉ឺនរៀល។