មន្ទីរពេទ្យបង្អែកខេត្តកោះកុង បានថ្លែងអំណរគុណ និងផ្ដល់ប័ណ្ណអំណរគុណដល់ក្រុមគ្រូពេទ្យនៃកម្មវិធីជាតិសុខភាពភ្នែក គាំទ្រដោយអង្គការសេវាហ្វេនដាសិន ក្រោយបញ្ចប់បេសកកម្មក្នុងការផ្ដល់ការពិនិត្យ ពិគ្រោះ ព្យាបាល និងវះកាត់ជំងឺភ្នែក ជូនប្រជាពលរដ្ឋនៅមន្ទីរពេទ្យបង្អែកខេត្តកោះកុងប្រកបដោយជោគជ័យ ដោយមានកិច្ចសហការជាមួយក្រុមគ្រូពេទ្យនៃមន្ទីរពេទ្យបង្អែកខេត្តកោះកុង។
នៅរសៀលថ្ងៃសុក្រ ៤រោច ខែបុស្ស ឆ្នាំរោង
ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៧ ខែមករា ឆ្នាំ២០២៥ លោកវេជ្ជបណ្ឌិត ហៃ ឡៃសុន ប្រធានមន្ទីរពេទ្យបង្អែកខេត្តកោះកុង បានថ្លែងអំណរគុណ និងផ្ដល់ប័ណ្ណថ្លែងអំណរគុណដល់ក្រុមគ្រូពេទ្យនៃកម្មវិធីជាតិសុខភាពភ្នែក គាំទ្រដោយអង្គការសេវាហ្វេនដាសិន ក្រោយបញ្ចប់បេសកកម្មក្នុងការផ្ដល់ការពិនិត្យ ពិគ្រោះ ព្យាបាល និងវះកាត់ជំងឺភ្នែក ជូនប្រជាពលរដ្ឋនៅមន្ទីរពេទ្យបង្អែកខេត្តកោះកុងប្រកបដោយជោគជ័យរយៈពេល៥ថ្ងៃគឺ ពីថ្ងៃទី ១៣ ដល់១៧ ខែមករា ឆ្នាំ២០២៥ ដោយមានកិច្ចសហការជាមួយក្រុមគ្រូពេទ្យនៃមន្ទីរពេទ្យបង្អែកខេត្តកោះកុង។
