ក្រុមគ្រូពេទ្យនៃកម្មវិធីជាតិសុខភាពភ្នែក គាំទ្រដោយអង្គការសេវាហ្វេនដាសិន សហការជាមួយក្រុមគ្រូពេទ្យនៃមន្ទីរពេទ្យបង្អែកខេត្តកោះកុង ផ្ដល់ការពិនិត្យ ពិគ្រោះ ព្យាបាល និងវះកាត់ជំងឺភ្នែក ជូនប្រជាពលរដ្ឋនៅមន្ទីរពេទ្យបង្អែកខេត្តកោះកុង។
នៅព្រឹកថ្ងៃចន្ទ ១៥កើត ខែបុស្ស ឆ្នាំរោង
ឆស័ក ពុទ្ធសករាជ ២៥៦៨
ត្រូវនឹងថ្ងៃទី១៣ ខែមករា ឆ្នាំ២០២៥ ក្រុមគ្រូពេទ្យនៃកម្មវិធីជាតិសុខភាពភ្នែក គាំទ្រដោយអង្គការសេវាហ្វេនដាសិន សហការជាមួយក្រុមគ្រូពេទ្យនៃមន្ទីរពេទ្យបង្អែកខេត្តកោះកុង ចាប់ផ្ដើមផ្ដល់ការពិនិត្យ ពិគ្រោះ ព្យាបាល និងវះកាត់ជំងឺភ្នែកជូនប្រជាពលរដ្ឋនៅមន្ទីរពេទ្យបង្អែកខេត្តកោះកុង ដែលកម្មវិធីនេះមានរយៈពេល៥ថ្ងៃគឺ ពីថ្ងៃទី១៣ ដល់ ១៧ ខែមករា ឆ្នាំ២០២៥។
សូមគោរពអញ្ជើញ លោកតា លោកយាយ អ៊ំ ពូ មីង បង ប្អូន ដែលមានបញ្ហាភ្នែកឡើងបាយ ភ្នែកកន្ទុយថ្លែន ឬបញ្ហាសុខភាពភ្នែកផ្សេងៗ មកជួបគ្រូពេទ្យជំនាញដើម្បីទទួលការពិគ្រោះ ពិនិត្យ ព្យាបាល នៅមន្ទីរពេទ្យបង្អែកខេត្តកោះកុង ទៅតាមកាលបរិច្ឆេទដូចបានជម្រាបជូនខាងលើ ។
