លោក ហាក់ ឡេង អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំពិភាក្សា ដាក់ចេញនូវផែនការទប់ស្កាត់ និងបង្ក្រាបបទល្មើស ធនធានធម្មជាតិ ក្នុងភូមិសាស្ត្រខេត្តកោះកុង
លោក ហាក់ ឡេង អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំពិភាក្សា ដាក់ចេញនូវផែនការទប់ស្កាត់ និងបង្ក្រាបបទល្មើស ធនធានធម្មជាតិ ក្នុងភូមិសាស្ត្រខេត្តកោះកុង។
រាជរដ្ឋាភិបាលបានសម្រេចឱ្យក្រសួងបរិស្ថានផ្តល់ជូនផែនទីរ៉ូបភាព ផ្កាយរណប បង្ហាញពីទិន្នន័យការកាប់រានឈូសឆាយព្រៃក្នុងតំបន់ការពារធម្មជាតិដល់ គណៈបញ្ជាការឯកភាពខេត្ត ដើម្បីចាត់វិធានការទប់ស្កាត់បង្ក្រាបឱ្យមានប្រសិទ្ធភាព និងទាន់ពេលវេលាដែលកិច្ចការនេះ ត្រូវបានអនុវត្តជារៀងរាល់ខែ។ នាយកដ្ឋានសេវាកម្មព័ត៌មានភូមិសាស្ត្រនៃក្រសួងបរិស្ថានបានចាប់ផ្តើម ធ្វើការត្រួតពិនិត្យទីតាំងដីកាប់រានក្នុងតំបន់ការពារធម្មជាតិ តាមរយៈរូបភាពផ្កាយរណបមានកម្រិត ច្បាស់ខ្ពស់(Planet)៣-៥ម៉ែត្រ ក្នុងខែមេសា ឆ្នាំ២០២៤ ដោយមានទីតាំងកាប់រានព្រៃឈើសរុប ១០៦ចំណុច ស្ថិតក្នុងភូមិសាស្ត្រខេត្តកោះកុង ដូចមានផែនទីនិងចំណុចនិយាមកាជូនភ្ជាប់គណៈកម្មការប្រតិបត្តិការ(ខេត្ត)។
ថ្ងៃចន្ទ ១១រោច ខែអស្សុជ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៨ ខែតុលា ឆ្នាំ២០២៤ October 28, 2024
