រដ្ឋបាលខេត្តកោះកុង

រដ្ឋបាលស្រុកថ្មបាំង បានបើកវគ្គបណ្ដុះបណ្ដាល ជូនដល់នាយកសាលាទាំង១៧ ក្នុងស្រុកថ្មបាំងស្ដីពី៖ ការអនុវត្តការឧបត្ថម្ភសាច់ប្រាក់ជូនសិស្សានុសិស្សក្នុងគ្រួសារមានប័ណ្ណសមធម៌នៃកម្មវិធីជាតិជំនួយសង្គមក្នុងកញ្ចប់គ្រួសារ ក្រោមអធិបតីភាព លោក ផល សុផាន់ណា អភិបាលរង នៃគណៈអភិបាលស្រុកថ្មបាំង លោក លី ចាន់វឌ្ឍនៈ តំណាងអង្គការយូនីសេប លោក មាស ទុំ ប្រធានការិយាល័យជំនួយសង្គម និងលោក ឡុច ភារុណ តំណាងមន្ទីរអប់រំ យុវជន និងកីឡាខេត្តកោះកុង ដែលប្រព្រឹត្តទៅនៅសាលប្រជុំសាលាស្រុកថ្មបាំង។

ថ្ងៃព្រហស្បតិ៍ ១៥កើត ខែអស្សុជ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី១៧ ខែតុលា ឆ្នាំ២០២៤