លោក សុខ សុទ្ធី អភិបាលរង នៃគណៈអភិបាលខេត្តកោះកុង បានអញ្ជើញជាអធិបតី ដឹកនាំកិច្ចប្រជុំដោះស្រាយបញ្ហាប្រជាពលរដ្ឋ ដែលមានដីប៉ះពាល់ ជាមួយគម្រោងអភិវឌ្ឍន៍រោងចក្រផលិតអគ្គិសនីដុតធ្យូងថ្ម ទំហំ ៧០០ មេហ្កាវ៉ាត់ ស្ថិតក្នុងភូមិថ្មស និងភូមិចម្លងគោ ឃុំថ្មស ស្រុកបូទុមសាគរ ខេត្តកោះកុង របស់ក្រុមហ៊ុន Royal Group និងក្រុមហ៊ុន Sinostreel។

លោកអភិបាលរងខេត្ត សូមអ្នកពាក់ព័ន្ធទាំងអស់ ជាពិសេសអាជ្ញាធរស្រុក ឃុំ ភូមិ ចូលរួមពិភាក្សាអោយបានល្អិតល្អន់ និងគ្រប់ជ្រុងជ្រោយ ធ្វើយ៉ាងណាដោះស្រាយបញ្ហា ជូនប្រជាពលរដ្ឋ ដែលមានដីប៉ះពាល់ ជាមួយគម្រោងអភិវឌ្ឍន៍រោងចក្រផលិតអគ្គិសនីដុតធ្យូងថ្ម ទំហំ ៧០០ មេហ្កាវ៉ាត់ ស្ថិតក្នុងភូមិថ្មស និងភូមិចម្លងគោ ឃុំថ្មស ស្រុកបូទុមសាគរ ខេត្តកោះកុង របស់ក្រុមហ៊ុន Royal Group និងក្រុមហ៊ុន Sinostreel អោយបានសមស្របតាមគោលការណ៍ និងអាចទទួលយកបានទាំងអស់គ្នា ដើម្បីអោយគម្រោងអនុវត្តអោយបានឆាប់រហ័ស ស្របតាមផែនការរបស់គម្រោងទាំងមូល៕