លោក សុខ ភិរម្យ អភិបាលស្រុកមណ្ឌលសីមា និងជាប្រធានគណៈកម្មាធិការអនុសាខា និងលោកស្រី គង់ វាសនា អនុប្រធានគណៈកម្មាធិការអនុសាខា និងលោក ហាក់ ស៊ីម អភិបាលរងស្រុក បានដឹកនាំក្រុមការងារមកទទួលទេយ្យទានព្រះតេជគុណ វង្ស វុទ្ធី ព្រះសមុហ៍គណខេត្ត និងជាព្រះគ្រូចៅអធិការ វត្តសមុទ្ទារាម (ហៅវត្តប៉ាក់ខ្លង) ដែលបានបរិច្ចាគទេយ្យទានជាគ្រឿងឧបភោគបរិភោគ និងបច្ច័យជូនអនុសាខាកាកបាទក្រហមកម្ពុជា ស្រុកមណ្ឌលសីមាសម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ
លោក សុខ ភិរម្យ អភិបាលស្រុក និងជាប្រធានគណៈកម្មាធិការ អនុសាខា និងលោកស្រី គង់ វាសនា អនុប្រធានគណៈកម្មាធិការ អនុសាខា និងលោក ហាក់ ស៊ីម អភិបាលរងស្រុក បានដឹកនាំក្រុមការងារមកទទួលទេយ្យទានព្រះតេជគុណ វង្ស វុទ្ធី ព្រះសមុហ៍គណខេត្ត និងជាព្រះគ្រូចៅអធិការ វត្តសមុទ្ទារាម (ហៅវត្តប៉ាក់ខ្លង) ដែលបានបរិច្ចាគទេយ្យទានជាគ្រឿងឧបភោគបរិភោគ និងបច្ច័យ រួមមានអង្ករ៥បាវ មីម៉ាម៉ា២០កេស ត្រីខ២យួរ ទឹកត្រី ៨ដប ទឹកផ្លែឈើ៥កេស ទឹកសុទ្ធវីតាល់២កេស ទឹកដោះគោ ខាប់៣២កំប៉ុង ទឹកត្រជៀកាំ៣យួរ ស្កសរ២០គ.ក តែ២០កញ្ចប់ ប្រេងឆា៦ដប ទឹកស៊ីអ៊ីវ៥យួរ ខ្ទឹមស១គ.ក និងប៊ីចេង២គ.ក អំបិល៤គ.ក ទឹកសុទ្ធ១០០យួរ និងថវិកា ២០០,០០០រៀល ជូនអនុសាខាកាកបាទក្រហមកម្ពុជា ស្រុកមណ្ឌលសីមាសម្រាប់យកមកចែកជូនប្រជាពលរដ្ឋជួបការលំបាកប្រចាំថ្ងៃ ។
ក្នុងឱកាសនោះលោកអភិបាលស្រុក និងលោកស្រីអនុប្រធានគណៈកម្មាធិការអនុសាខា សូមថ្លែងអំណរគុណយ៉ាងជ្រាលជ្រៅបំផុតប្រគេនចំពោះ ព្រះតេជគុណ ព្រះគ្រូចៅ អធិការវត្តដែលមានទឹកព្រះទ័យជ្រះថ្លាបរិច្ចាគទេយ្យទានជាគ្រឿងឧបភោគបរិភោយ៉ាងច្រើនសន្ធឹកសន្ធាប់ជូនអនុសាខាដើម្បីបម្រើសកម្មភាពមនុស្សធម៌របស់អនុសាខា ។
ថ្ងៃអង្ការ ៦កើត ខែអស្សុជ ឆ្នាំរោង ឆស័ក ព.ស ២៥៦៨
ត្រូវនឹងថ្ងៃទី០៨ ខែតុលា ឆ្នាំ២០២៤
វេលាម៉ោង៩:០០នាទីព្រឹក
