លោក ក្រូច បូរីសីហា អភិបាល នៃគណៈអភិបាលស្រុក និងជាប្រធានកិត្តិយសគណៈកម្មាធិការសមាគមអតីតយុទ្ធកម្ពុជាស្រុកបូទុមសាគរ បានអញ្ជើញជាអធិបតី ក្នុងពិធីសំណេះសំណាល និងសួរសុខទុក្ខ សមាជិកសមាគមអតីតយុទ្ធកម្ពុជាស្រុកបូទុមសាគរ ចំនួន៣៦នាក់ ដោយមានការអញ្ជើញចូលរួមពី លោកប្រធាន-អនុប្រធាន គណ:កម្មាធិការ សមាគមអតីតយុទ្ធកម្ពុជាស្រុកបូទុមសាគរ លោកប្រធានកិត្តិយសគណ:កម្មាធិការ សមាគមអតីតយុទ្ធកម្ពុជាឃុំទាំង៤ លោកប្រធានគណៈកម្មាធិការ សមាគមអតីតយុទ្ធកម្ពុជាឃុំទាំង៤ និងសមាជិក សមាជិកា សរុបចំនួន ៥៥នាក់ ស្រី ០៨នាក់ ។ ក្នុងនោះដែរលោក ក្រូច បូរីសីហា អភិបាល នៃគណៈអភិបាលស្រុក និងជាប្រធានកិត្តិយសគណៈកម្មាធិការ សមាគមអតីតយុទ្ធកម្ពុជាស្រុកបូទុមសាគរ បានចែកជូនអំណោយដ៏ថ្លៃថ្លារបស់សម្តេចបវរធិបតី ហ៊ុន ម៉ាណែត និងលោកជំទាវ ជូនសមាជិកសមាគមអតីតយុទ្ធកម្ពុជាស្រុកបូទុមសាគរចំនួន ៣៦នាក់ ដោយក្នុង ០១នាក់ ទទួលបាន អង្ករចំនួន០១បាវតូច ត្រីខ០១ឡូ ទឹកស៊ីអ៊ីវ ០១យួរ ប៊ីចេង០១កញ្ចប់ និងថវិកាចំនួន ២ម៉ឺនរៀល ។
ប្រភព:រដ្ឋបាលស្រុកបូទុមសាគរ
===================
ថ្ងៃសុក្រ ១០រោច ខែភទ្របទ ឆ្នាំរោង ឆស័ក ព.ស.២៥៦៨ត្រូវនឹងថ្ងៃទី២៧ ខែកញ្ញា ឆ្នាំ២០២៤ វេលាម៉ោង១៤:០០នាទីរសៀល
