ក្រុមការងារខណ្ឌរដ្ឋបាលព្រៃឈើ និងក្រុមការងារផ្នែករដ្ឋបាលព្រៃឈើស្រែអំបិល បានចូលរួមជាមួយក្រុមការងាររដ្ឋបាលព្រៃឈើថ្នាក់កណ្ដាល ដឹកនាំដោយលោកបណ្ឌិត ឃន សារ៉េត អនុប្រធានរដ្ឋបាលព្រៃឈើ រួមនិងសហការីបានសហការជាមួយតំណាងក្រុមហ៊ុន CAMAGRA បានចុះកំណត់អត្តសញ្ញាណបឋមទីតាំងដីទំនាស់ រវាងលោក អ៊ុយ វណ្ណៈ និងក្រុមហ៊ុនដីសម្បទានសេដ្ឋកិច្ច CAMAGRA នៅភូមិព្រះអង្គកែវ ឃុំដងពែង ស្រុកស្រែអំបិល ខេត្តកោះកុង។ ក្រុមការងារបានចុះពិនិត្យជាក់ស្ដែងដល់ទីវាលដីទំនាស់និងបានបង្ហោះយន្តហោះ DRONE ដើម្បីប្រមូលព័ត៌មានបឋម។ ក្រុមការងារបានប្រជុំពិនិត្យ លើឯកសារផ្លូវច្បាប់ និងសរុបការកំណត់អត្តសញ្ញាណបឋមទីតាំងដីទំនាស់ រវាងលោក អ៊ុយ វណ្ណៈ និងក្រុមហ៊ុនដីសម្បទានសេដ្ឋកិច្ច CAMAGRA ដើម្បីរាយការណ៍បឋមជូនសមត្ថកិច្ចថ្នាក់លើ។
ប្រភព : មន្ទីរកសិកម្ម រុក្ខាប្រមាញ់ និងនេសាទខេត្តកោះកុង
