រដ្ឋបាលឃុំតានូន បានរៀបចំកិច្ចប្រជុំប្រចាំខែសីហា ឆ្នាំ២០២៤ របស់គណ:កម្មាធិការទទួលបន្ទុកកិច្ចការនារី និងកុមារ ក្រោមអធិបតីភាព លោក វ៉ន វ៉ាត ប្រធានក្រុមប្រឹក្សាឃុំ និងជាប្រធានអង្គប្រជុំ ដោយមានការអញ្ជើញចូលរួមពី លោក លោកស្រី សមាជិកក្រុមប្រឹក្សាឃុំ ស្មៀនឃុំ ជំនួយការឃុំ លោកមេភូមិ ទាំង៤ លោកនាយកសាលាបឋមទាំង៣ ប៉ុស្តិ៍ មណ្ឌលសុខភាព សរុប ១៤នាក់ ស្រី៤នាក់ ដើម្បីពិភាក្សាលើរបៀបវារៈមួយចំនួនដូចខាងក្រោម១.ពិនិត្យកូរ៉ុម និងសមាសភាពចូលរួម២.ពិនិត្យ ពិភាក្សានិងអនុម័ត សេចក្ដីព្រាងកំណត់ហេតុប្រជុំលើកមុន៣.ពិនិត្យពិភាក្សា អនុម័តរបាយការណ៍បញ្ជីគ្រួសាររង្វង់១០០០ថ្ងៃដំបូងនៃជីវិត៤.អនុម័តផែនទីសង្គម៥.រាយការណ៍ និងពិភាក្សាអំពីផ្នែកសេវាសុខភាព៦.រាយការណ៍ និងពិភាក្សាអំពីផ្នែកអប់រំ៧.រាយការណ៍ និងពិភាក្សាអំពីការចុះបញ្ជីកំណើត៨.រាយការណ៍ និងពិភាក្សាអំពីបញ្ហាចម្បងៗពាក់ព័ន្ធនារី និងកុមារក្នុងឃុំ៩.រាយការណ៍ និងពិភាក្សាអំពីបញ្ហាសន្ដិសុខ និងសណ្ដាប់ធ្នាប់ក្នុងឃុំ១០.រាយការណ៍អំពីការប្រើប្រាស់ថវិការបស់ គ.ក.ន.ក ឃុំ១១.បញ្ហាផ្សេងៗ មតិបិទអង្គប្រជុំ។
ប្រភព:រដ្ឋបាលឃុំតានូន
—————————
ថ្ងៃសុក្រ ៤រោច ខែស្រាពណ៍ ឆ្នាំរោង ឆស័ក ព.ស២៥៦៨ ត្រូវនឹងថ្ងៃទី២៣ ខែសីហា ឆ្នាំ២០២៤វេលាម៉ោង៨:០០នាទីព្រឹក
