ឯកឧត្តម សុះ ម៉ាត់លី សមាជិកក្រុមប្រឹក្សាខេត្ត និងជាប្រធានសមាគមសម្ព័ន្ធយុវជនមុស្លិមកម្ពុជាខេត្តកោះកុង បានដឹកនាំសមាជិក និងមានកាអញ្ជើញចូលរួមពី ឯកឧត្តមបណ្ឌិត រ៉ូសម៉ាន សះរី ទីប្រឹក្សារាជរដ្ឋាភិបាល លោកម៉ាត់ ស៊ឹម សមាជិកក្រុមប្រឹក្សាក្រុង លោក លឹម ឌី ចៅសង្កាត់ដងទង់ និងអាជ្ញាធរភូមិ បានអញ្ជើញចុះសួរសុខទុក្ខ និងប្រគល់ផ្ទះ ១ ខ្នង ដែលមានតម្លៃ ៤៧០០ដុល្លារ ជូនដល់ប្រជាពលរដ្ឋមានជីវភាពខ្វះខាត ស្ថិតនៅភូមិ៤ សង្កាត់ដងទង់ ក្រុងខេមរភូមិន្ទ ខេត្តកោះកុង។
អំណោយដែលទទួលបាននេះ បានមកពីការឧបត្ថម្ភរបស់អង្គការមូលនិធិអាស៊ានដើម្បីការអប់រំ និងអភិវឌ្ឍន៍។
ថ្ងៃពុធ ២ កើត ខែភទ្របទ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៤ ខែកញ្ញា ឆ្នាំ២០២៤
