រដ្ឋបាលខេត្តកោះកុង

ស្រុកកោះកុង ៖ នៅព្រឹកថ្ងៃអាទិត្យ ៣ កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២៤ ខែឧសភា ឆ្នាំ២០២០ វេលាម៉ោង ៩:០០ នាទីព្រឹក លោក សុខ ភិរម្យ អភិបាលរងស្រុក តំណាងលោក ជា សូវី អភិបាល នៃគណៈអភិបាលស្រុកកោះកុង អញ្ជើញទទួលអមដំណើរឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ និងលោកជំទាវ មិថុនា ភូថង អភិបាល នៃគណៈអភិបាលខេត្តកោះកុង អញ្ជើញចុះជួបសំណេះសំណាល សួរសុខទុក្ខប្រជាពលរដ្ឋចំនួន ១០២នាក់ ក្នុងនោះអតីតកម្មករក្រុមហ៊ុនហ្រ្គីនរិចគ្រុបចំនួន ៣០នាក់ សិស្សានុសិស្ស ១២នាក់ អ្នកគ្រូចំនួន ០២នាក់ នៅភូមិកោះកុងក្នុង (ចំណុចភ្នំមាស) ឃុំត្រពាំងរូង ស្រុកកោះកុង ខេត្តកោះកុង និងពិនិត្យវាយតម្លៃអំពីវឌ្ឍនភាពនៃការអភិវឌ្ឍន៍ដំណាំកសិ-ឧស្សាហកម្ម និងកែច្នៃកសិផលនាំចេញអាកាស្យារបស់ក្រុមហ៊ុន ហ្គ្រីនរិចគ្រុប នៅក្នុងភូមិសាស្រ្តឃុំត្រពាំងរូង ស្រុកកោះកុង ខេត្តកោះកុង។
គណៈប្រតិភូអមដំណើររួមមាន ឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការក្រសួងកសិកម្ម រុក្ខាប្រមាញ់ និងនេសាទ ក្រុមការងារថ្នាក់ខេត្ត ក្រុមការងារថ្នាក់ស្រុក កងកម្លាំងទាំងបីប្រភេទ និងអាជ្ញាធរភូមិ-ឃុំ សរុប ៣៣នាក់ ស្រី ០៦នាក់។

ប្រភព ៖ អ៊ឹង បឺត