លោក ហាក់ ឡេង អភិបាលរង នៃគណៈអភិបាលខេត្ត ដោយទទួលបានការណែនាំពីលោកជំទាវអភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកោះកុង បានចុះពិនិត្យ សួរសុខទុក្ខ និងផ្តល់ការណែនាំដល់កងកម្លាំងសមត្ថកិច្ច ដែលប្រចាំការតាមគោលដៅចំនួន ០៣ស្រុក (ស្រុកកោះកុង ស្រុកបូទុមសាគរ និងស្រុកស្រែអំបិល)។ ក្នុងឱកាសនោះក៏បាននាំយកទឹកសុទ្ធ ភេសជ្ជៈរបស់លោកជំទាវអភិបាលខេត្តមួយចំនួនជូនកងកម្លាំងដែលប្រចាំការទាំង០៣គោលដៅផងដែរ៕
ថ្ងៃព្រហស្បតិ៍ ១១ កើត ខែស្រាពណ៍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៥ ខែសីហា ឆ្នាំ២០២៤
