ថ្ងៃពុធ ១០ កើត ខែស្រាពណ៍ ឆ្នាំរោង

ឆស័ក ពុទ្ធសករាជ ២៥៦៨ ត្រូវនឹងថ្ងៃទី១៤ ខែសីហា ឆ្នាំ២០២៤ លោក ជឺ ពុទ្ធីម អនុប្រធានការិយាល័យផែនការ តំណាងលោកប្រធានមន្ទីផែនការ បានចូលរួមពិធីផ្សព្វផ្សាយ ស្តីពីការអនុវត្តរបបសន្តិសុខសង្គមផ្នែកថែទាំសុខភាពតាមរបបភាគទានដោយស្ម័គ្រចិត្តសម្រាប់អ្នកក្នុងបន្ទុកសមាជិក ប.ស.ស ជាមន្ត្រីសាធារណៈ ជូនដល់ថ្នាក់ដឹកនាំ និងមន្ត្រីរាជការក្រោមឱវាទរដ្ឋបាលខេត្តកោះកុង ក្រោមអធិបតីភាព ឯកឧត្តម អេត បូរ៉ាត់ អគ្គនាយករង បេឡាជាតិ សន្តិសុខសង្គម តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ ឯកឧត្តម ផៃធូន ផ្លាមកេសន សមាជិកក្រុមប្រឹក្សាខេត្ត និងលោក ស្រេង ហុង អភិបាលរង នៃគណៈអភិបាលខេត្តកោះកុង ព្រមទាំងមានការចូលរួមពីលោក លោកស្រី ប្រធានមន្ទីរ លោក លោកស្រី អភិបាល ក្រុង ស្រុក កងកម្លាំង ប្រដាប់អាវុធទាំងបីប្រភេទ លោក លោកស្រី មេឃុំ សង្កាត់ ទូទាំងខេត្ត ប្រមាណ 290 នាក់ ស្រី 102 នាក់។

គោលបំណង គឺអនុវត្តតាមច្បាប់ស្ដីពីរបបសន្តិសុខសង្គម និងលិខិតបទដ្ឋានគតិយុត្ត ដែលពាក់ព័ន្ធនិងរបបសន្តិសុខសង្គមដែលមានជាធរមាន ដើម្បីសំដៅធានាការលើកកម្ពស់សុខមាលភាព  និងអត្ថប្រយោជន៍ មន្ត្រីរាជការសាធារណៈនិងអ្នកក្នុងបន្ទុកអោយបានត្រឹមត្រូវនិងមានប្រសិទ្ធភាព។