រដ្ឋបាលខេត្តកោះកុង

ស្រុកកោះកុង ៖ នៅព្រឹកថ្ងៃសុក្រ ១ កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២២ ខែឧសភា ឆ្នាំ២០២០ វេលាម៉ោង ១១:០០ នាទីព្រឹក លោក ជា សូវី អភិបាល ប្រធានគណៈកម្មាធិការអនុសាខាកាកបាទក្រហមកម្ពុជាស្រុកកោះកុង លោក ឯក ម៉ឹង ប្រធានក្រុមប្រឹក្សាស្រុកកោះកុង និងលោក ទេព វិស្កុល ប្រធានមន្ទីរសេដ្ឋកិច្ច និងហិរញ្ញវត្ថុខេត្ត និងជាប្រធានកិត្តិយសអនុសាខាកាកបាទក្រហមកម្ពុជាស្រុកកោះកុង បានដឹកនាំក្រុមការងារថ្នាក់ស្រុក និងក្រុមការងារ អនុសាខាកាកបាទក្រហមកម្ពុជាស្រុកកោះកុង ចុះជួបសំណេះសំណាល សួរសុខទុក្ខនិងនាំយកអំណោយមនុស្សធម៌របស់អនុសាខាជូនប្រជាពលរដ្ឋ និងចាស់ជរាចំនួន ០៥គ្រួសារ នៅភូមិកោះកុងក្នុង ឃុំត្រពាំងរូង ស្រុកកោះកុង ដោយក្នុងមួយគ្រួសារទទួលបាន អង្ករ ២៥គីឡូក្រាម មីថៃ ១កេះ ត្រីខកំប៉ុង ១ឡូ ទឹកត្រី ១ដប ទឹកស៉ីអ៉ីវ ១ដប ស្ករស ១គីឡូក្រាម អំបិល ១ថង់ ប៊ីចេង ១កញ្ចប់ ។ សមាសភាពចូលរួមមាន លោកស្រីអនុប្រធាន សមាជិកគណៈកម្មាធិការ និងគណៈកិត្តយសអនុសាខាកាកបាទក្រហមកម្ពុជាស្រុកកោះកុង អភិបាលរងស្រុក លោកនាយករដ្ឋបាលស្រុក អធិការនគរបាលស្រុក ប្រធានមណ្ឌលសុខភាពត្រពាំងរូង ក្រុមការងារថ្នាក់ខេត្ត និងថ្នាក់ស្រុក ក្រុមប្រឹក្សាឃុំត្រពាំងរូង និងមេភូមិកោះកុងក្នុង សរុប ៣៣នាក់ ស្រី ០៦នាក់។

ប្រភព ៖ អ៊ឹង បឺត