ស្រុកកោះកុង ៖ នៅព្រឹកថ្ងៃសុក្រ ១កើត ខែជេស្ឋ ឆ្នាំជូត ទោស័ក ពុទ្ធសករាជ ២៥៦៤ ត្រូវនឹងថ្ងៃទី២២ ខែឧសភា ឆ្នាំ២០២០ វេលាម៉ោង ១០:០០ នាទីព្រឹក លោក ជា សូវី អភិបាល នៃគណៈអភិបាលស្រុកកោះកុង និងជាប្រធានសហភាពសហព័ន្ធយុវជនកម្ពុជាស្រុក បានដឹកនាំសមាជិក និងក្រុមការងារយុវជន ស.ស.យ.ក ស្រុក ចំនួន ០៩ នាក់ ចុះជួបសំណេះសំណាលសួរសុខទុក្ខ និងផ្សព្វផ្សាយឱ្យប្រជាពលរដ្ឋ នៅភូមិកោះកុងក្នុង ឃុំត្រពាំងរូង យល់ដឹងអំពីការទប់ស្កាត់ និងវិធីសាស្រ្តការពារខ្លួនពី ជំងឺ Covid-19 និងក្រុមគ្រួសារ និងជាពិសេសបានណែនាំដល់ប្រជាពលរដ្ឋដែលមានបងប្អូន ឬសាច់ញាតិដែលទើបវិលត្រឡប់ពីក្រៅប្រទេស សូមធ្វើការការពារខ្លួនឯង ព្រមទាំងក្រុមគ្រួសារដោយដាក់ខ្លួនឯងឱ្យនៅដាច់ដោយឡែករយៈពេល ១៤ថ្ងៃ ។ លោកប្រធានក៏បានមានមតិបន្ថែមថាទោះបីបច្ចុប្បន្ន ប្រទេសយើងមិនមានការរីករាលដាលច្រើនដូចប្រទេសគេក៏ដោយ ក៏យើងទាំងអស់គ្នាមិនត្រូវមានការធ្វេសប្រហែសដែរ ដូចនេះសូមបងប្អូនយើងរួមគ្នាការពារ និងថែសុខភាពខ្លួនឯងឱ្យបានល្អប្រសើរជានិច្ច ជាពិសេសសូមបងប្អូនជួយសហការ និងផ្តល់ជាដំណឹងដល់អាជ្ញាធរ ប្រសិនបើមានជនប្លែកមុខចេញ-ចូលក្នុងមូលរបសខ្លួន។

អត្ថបទ៖ សន សេង

រូបភាព៖ អ៊ឹង បឺត