ដោយទទួលបានការចាត់តាំងដ៏ខ្ពង់ខ្ពស់ពី ឯកឧត្តម កិត្តិសេដ្ឋាបណ្ឌិត ឆាយ ថន ទេសរដ្ឋមន្រ្តី រដ្ឋមន្ត្រីក្រសួងផែនការ ឯកឧត្តម ថេង បញ្ញាធន ប្រតិភូរាជ រដ្ឋាភិបាលកម្ពុជា ទទួលបន្ទុកអគ្គនាយកផែនការ បានដឹកនាំក្រុមការងារ ក្រសួងផែនការ ដើម្បីជួបពិភាក្សាជាមួយ លោកជំទាវ មិថុនា ភូថង អភិបាល នៃគណៈអភិបាលខេត្តកោះកុង ស្តីពីការសម្របសម្រួល និងជំរុញការអនុវត្តការការកំណត់អត្តសញ្ញាណម្មគ្រួសារក្រីក្រតាមការស្នើសុំ អំឡុងពេលកូវីដ-១៩ ឱ្យបានសម្រេច៖ (១) តំបន់ជនបទឱ្យបានចប់សព្វគ្រប់ មុនដំណាច់ខែឧសភា ឆ្នាំ២០២០ និង (២) តំបន់ទីប្រជុំជនឱ្យបានមុនដំណាច់ ខែមិថុនា ឆ្នាំ២០២០ សម្រាប់រាជរដ្ឋាភិបាលកម្ពុជាប្រើប្រាស់សម្រាប់ ផ្តល់អន្តរាគមន៍ឧបត្ថម្ភសាច់ប្រាក់ជូនដល់ប្រជាជនក្រីក្រ និង ប្រជាជនរងគ្រោះ ដោយសារកូវីដ-១៩។ លោកជំទាវ អភិបាលបានណែនាំឱ្យបង្កេីតក្រុមការងារចំពោះកិច្ច ដេីម្បីជំរុញការងារនេះ ឱ្យស្រេចបានតាមកាលកំណត់ ជាពិសេស នឹងជំរុញឱ្យអភិបាលក្រុង ស្រុក ចុះជាប់ ដេីម្បីឱ្យការងារសម្រេចបានប្រកបដោយគុណភាព តម្លាភាព ជូនរាជរដ្ឋាភិបាល។
