សាខាធនាគារជាតិនៃកម្ពុជា ខេត្តកោះកុង មានកិត្តិយសសូមជម្រាបជូនដល់សាធារណជននៅខេត្តកោះកុង ទាំងអស់ឱ្យបានជ្រាបថា ដើម្បីជំរុញ និងលើកកម្ពស់ការប្រើប្រាស់ប្រព័ន្ធទូទាត់ឌីជីថល KHQR និងបាគង ក៏ដូចជា គាំទ្រគោលនយោបាយលើកកម្ពស់ការប្រើប្រាស់ប្រាក់រៀល សាខាធនាគារជាតិនៃកម្ពុជា ខេត្តកោះកុង នឹងចុះធ្វើការប្តូរ ក្រដាស់ប្រាក់រៀលចាស់ ទក់ និងរហែក ជូនសាធារណជនតាមរយៈការផ្ទេរប្រាក់ចូលគណនីតាមប្រព័ន្ធឌីជីថល KHQR ចំនួន២ថ្ងៃ នៅថ្ងៃទី ០៦ ខែ សីហា ឆ្នាំ ២០២៤ ទីតាំងនៅខាងមុខវិទ្យាស្ថានពហុបច្ចេកទេសខេត្តកោះកុង និងថ្ងៃទី ០៨ ខែ សីហា ឆ្នាំ ២០២៤ នៅផ្សារភូមិ ៤ ដងទង់ វេលាម៉ោង ៨:០០ នាទីព្រឹក ដល់ម៉ោង ៣:០០ នាទីរសៀល សាធារណជនអាចអញ្ជើញមកប្តូរក្រដាស់ប្រាក់រៀលចាស់ ទក់ និងរហែក ដោយមិនគិតកម្រៃសេវា ។
