រដ្ឋបាលខេត្តកោះកុង

តាមការចាត់តាំងរបស់រដ្ឋបាលស្រុក លោក តុង យ៉ាវ អភិបាលរងស្រុក បានដឹកនាំមន្ត្រីសាលាស្រុក និងអាជ្ញាធរភូមិ ឃុំ នៃឃុំអណ្ដូងទឹក និងឃុំកណ្ដោលចូលរួមសហការជាមួយអគ្គនាយកដ្ឋានកសិកម្ម មន្ត្រីការិយាល័យការិយាល័យក្សេត្រសាស្រ្ត និងផលិតភាពកសិកម្ម នៃមន្ទីរកសិកម្ម រុក្ខាប្រមាញ់ និងនេសាទខេត្តកោះកុង បានចុះពិនិត្យ វាយតម្លៃពីផលប៉ះពាល់ និងអន្តរាគមន៍ ដើម្បីចាត់វិធានការទប់ស្កាត់ និងកម្ចាត់ដង្កូវមូរស្លឹក និងដង្កូវហ្វូង មានដូចជា៖១.នៅឃុំអណ្ដូងទឹក ភូមិជីមាល ដែលមានផ្ទៃដី ២៧ហ.ត ស្មើនឹង២០គ្រួសារ២. ឃុំកណ្ដោល មានចំនួន៤ភូមិមាន -នៅភូមិសុវណ្ណាបៃតង មានផ្ទៃដី ០៦ហ.ត ស្មើនឹង០៦គ្រួសារ-នៅភូមិធ្នុង មានផ្ទៃដី ០៩ហ.ត ស្មើនឹង ១៩គ្រួសារ-នៅភូមិកណ្ដោល មានផ្ទៃដី ០៥ហ.ត ស្មើនឹង ១៥គ្រួសារ-នៅភូមិតាំកន់ មានផ្ទៃដី ០៨ហ.ត ស្មើនឹង ១០គ្រួសារ +សា្ថនភាពនៅក្នុងឃុំទាំងពី ដង្កូវវិវត្តន៍ដឹកឌឿ និងមេអំបៅ* ក្រុមការងារបានពន្យល់ណែនាំពីវិធានការការពារ និងកម្ចាត់ដូចជា៖- ត្រូវប្រើប្រាស់ជីអោយមានតុល្យភាព និងមិនត្រូវប្រើជីអាសូតច្រើនហួសហេតុ- ពន្លិចទឹកក្នុងស្រែ រួចយកមែក ឬបន្លាស្អិតអូសអោយធ្លាក់ក្នុងទឹក ហើយបង្ហូរទឹកចេញ និងយកស្បៃមុងត្រងយកដង្កូវទៅកម្ទេចចោល- ពន្លិចទឹកក្នុងស្រែ រួចយកមែក ឬបន្លាស្អិតអូសអោយធ្លាក់ដឹកឌឿទៅក្នុងទឹក- ណែនាំពីរបៀបប្រើប្រាស់ថ្នាំកសិកម្ម និងសម្ភារៈប្រើប្រាស់ក្នុងពេលបាញ់ថ្នាំកសិកម្ម ក្រុមការងារបានណែនាំទៅកសិករដោយសារដង្កូវវិវត្តន៍ទៅជាដឹកឌឿ និងមេអំបៅ កសិករមិនបាច់បាញ់ថ្នាំកម្ចាត់ទេ ប្រសិនបើភ្លៀងនៅតែបន្តធ្លាក់។ ប្រសិនបើភ្លៀងឈប់ធ្លាក់មានករណីធ្ងន់រហូតដល់មានដង្កូវកាត់ស្រូវផងនោះ ក្រុមការងារណែនាំឳ្យអោយកសិករបាញ់ថ្នាំ ពេលមេឃស្រឡះ។

ប្រភព:រដ្ឋបាលស្រុកបូទុមសាគរ

===============

ថ្ងៃសៅរ៍ ៧ រោច ខែអាសាឍ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៧ ខែកក្កដា ឆ្នាំ២០២៤ វេលាម៉ោង ០៨:០០ នាទីព្រឹក