រដ្ឋបាលខេត្តកោះកុង

លោក សាង ស៊ីណេត អភិបាលរងស្រុក តំណាងលោកអភិបាលស្រុកបានដឹកនាំក្រុមការងាររៀបចំវេទិកាផ្សព្វផ្សាយស្តីអំពីបរិស្ថានស្អាត អនាម័យល្អ មូលដ្ឋានគ្មានសំរាមក្នុងគោលបំណងជម្រុញលើកទឹកចិត្តដល់បងប្អូនប្រជាពលរដ្ឋ និងភាគីពាក់ពន្ធ័ឳ្យយល់ដឹងពីគុណតម្លៃនៃបរិស្ថាន ស្រលាញ់បរិស្ថាន និងចាប់ផ្តើមចូលរួមសម្អាតអនាម័យបរិស្ថានក្នុងមូលដ្ឋានឃុំថ្មសឳ្យបានស្អាតល្អ។+ វេទិកានេះមានការចូលរួមពីលោកមេឃុំថ្មស លោក លោកស្រីក្រុមប្រឹក្សាឃុំថ្មស លោកគ្រូ អ្នកគ្រូ និងសិស្សនៃវិទ្យាល័យថ្មស លោកប្រធាន និងបុគ្គលិកមណ្ឌលសុខភាពថ្មស នាយប៉ុស្តិ៍រដ្ឋបាលថ្មស លោកមេភូមិថ្មស និងប្រជាពលរដ្ឋក្នុងឃុំថ្មស សមាសភាពចូលរួមចំនួន ៥០០នាក់ នៅទីតាំងវិទ្យាល័យថ្មស ភូមិថ្មស ឃុំថ្មស ស្រុកបូទុមសាគរ។* មូលដ្ឋានស្អាត មូលដ្ឋានគ្មានសំរាមផ្តើមចេញពីយើងទាំងអស់គ្នា ចូលរួមដោយឆន្ទៈលើកឡើងនៅពាក្យស្លោកបរិស្ថានស្អាតផ្តើមចេញពីខ្ញុំ។

ប្រភព:រដ្ឋបាលស្រុកបូទុមសាគរ

====================

ថ្ងៃចន្ទ ១០ រោច ខែជេស្ឋ ឆ្នាំរោងឆស័ក ពុទ្ធសករាជ ២៥៦៨ត្រូវនឹងថ្ងៃទី១ ខែកក្កដា ឆ្នាំ២០២៤ វេលាម៉ោង ០២:០០ នាទីរសៀល