រដ្ឋបាលខេត្តកោះកុង

រដ្ឋបាលឃុំឫស្សីជ្រុំ  សូមគោរពថ្លែងអំណរអគុណ យ៉ាងជ្រាលជ្រៅបំផុតជូនចំពោះ លោក ខ្លឹម យុនវិសិដ្ឋ ព្រមទាំងក្រុមគ្រួសារ ដែលបានឧបត្ថម្ភនូវថវិកា ផ្ទាល់ខ្លួនចំនួន៩០០,០០០រៀល ដើម្បីចូលរួមចំណែកក្នុងការសាងសង់ស្ពានឈើ ១កន្លែង ប្រវែងបណ្ដោយ៣៤ម៉ ទទឹង២ ម៉ ក្នុងគោលបំណងជួយសម្រួលទុក្ខលំបាកជូនដល់ប្រជាពលរដ្ឋដែលតែងតែជួបការលំបាកនៅក្នុងរដូវវស្សាដោយទឹកលិចពិបាកនិងធ្វើដំណើរឆ្លងកាត់ជាពិសេស សិស្សានុសិស្ស និងកុមារតូចៗដោយពួកគាត់មិនអាចឆ្លងទៅសាលារៀនបានព្រោះមានបញ្ហាប្រឈមគ្រោះថ្នាក់ខ្លាំងនៅពេលទឹកឡើងក្នុងរដូវវស្សា។តបតាមការសំណូមពររបស់ប្រជាពលរដ្ឋដែលគាត់ចង់បានស្ពានឆ្លង។ ស្ថិតនៅភូមិត្រពាំងឈើត្រាវ ឃុំឫស្សីជ្រុំ ស្រុកថ្មបាំង ខេត្តកោះកុង (នៅចំណុចក្រោយសាលាបឋមសិក្សាឫស្សីជ្រុំ)។

សូមគោរពជូនពរ លោក ខ្លឹម យុនវិសិដ្ឋ ព្រមទាំងក្រុមគ្រួសារ ឪ្យជួបប្រទះពុទ្ធពរទាំង៤ប្រកាគឺ អាយុ វណ្ណៈ សុខៈ ពលៈ និងសូមទទួលបានជោគជ័យគ្រប់ភារកិច្ច។

ថ្ងៃសៅរ៍ ២ កើត ខែជេស្ឋ ឆ្នាំរោងឆស័ក ពុទ្ធសករាជ ២៥៦៨
ត្រូវនឹងថ្ងៃទី៨ ខែមិថុនា ឆ្នាំ២០២៤
June 8, 2024

ប្រភពរដ្ឋបាលឃុំឫស្សីជ្រុំ។