លោក ហាក់ ឡេង អភិបាលរង នៃគណៈអភិបាលខេត្តកោះកុង និងជាប្រធានលេខាធិការដ្ឋានគណៈបញ្ជាការឯកភាពរដ្ឋបាលខេត្ត បានអញ្ជើញដឹកនាំកិច្ចប្រជុំ ដើម្បីពិនិត្យសេចក្តីព្រាងរបាយការណ៍ លទ្ធផលការងារគណៈបញ្ជាការឯកភាពរដ្ឋបាលខេត្តប្រចាំខែឧសភា និងទិសដៅការងារសម្រាប់ខែមិថុនា ឆ្នាំ២០២៤។
ជាលទ្ធផល ដោយមានការចូលរួមយោបល់យ៉ាងផុលផុសពី តំណាងកងកម្លាំងប្រដាប់អាវុធ តំណាងមន្ទីរ អង្គភាពពាក់ព័ន្ធ និងរដ្ឋបាលក្រុង បានពិនិត្យ ផ្តល់យោបល់ និងកែសម្រួលខ្លឹមសារនៃរបាយការណ៍បានយ៉ាងល្អប្រសើរ។
ជាចុងបញ្ចប់ លោក ហាក់ ឡេង អភិបាលរងខេត្ត និងជាប្រធានអង្គប្រជុំ បានមានប្រសាសន៍ណែនាំដល់មន្ទីរ អង្គភាព និងរដ្ឋបាលក្រុង ស្រុកដូចខាងក្រោម៖
១.ត្រូវរាយការណ៍អំពីលទ្ធផល នៃប្រជុំទៅកាន់ប្រធានអង្គភាពរបស់ខ្លួនដើម្បីប្រធានអង្គភាពបានជ្រាប
២.បន្តទប់ស្កាត់ និងបង្រ្កាបបទល្មើសធនធានធម្មជាតិផ្សេងៗ ឱ្យបានល្អប្រសើរ និងត្រូវយកចិត្តទុកដាក់ខ្ពស់
៣.បន្តទប់ស្កាត់ និងចុះបង្រ្កាបការលេងល្បែងស៊ីសងខុសច្បាប់
៤.បន្តទប់ស្កាត់ និងចុះបង្រ្កាបការលេងល្បែងស៊ីសងខុសច្បាប់
៥.អនុវត្ត ស.ជ.ណ លេខ៣៥៨/២៤ របស់រដ្ឋបាលខេត្តឱ្យមានប្រសិទ្ធភាពខ្ពស់៕
ថ្ងៃពុធ ១៤ រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី៥ ខែមិថុនា ឆ្នាំ២០២៤
