ព្រឹកថ្ងៃព្រហស្បតិ៍ ១រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែឧសភា ឆ្នាំ២០២៤ ។

នៅព្រឹកថ្ងៃព្រហស្បតិ៍ ១រោច ខែពិសាខ ឆ្នាំរោង ឆស័ក ពុទ្ធសករាជ ២៥៦៨ ត្រូវនឹងថ្ងៃទី២៣ ខែឧសភា ឆ្នាំ២០២៤ តបតាមសំណើរបស់អង្គការសត្វព្រៃ និងធម្មជាតិ (Fauna & Flora) មន្ទីរពេទ្យបង្អែកខេត្តកោះកុង បានចាត់ឱ្យក្រុមគ្រូពេទ្យ នៃមន្ទីរពេទ្យចុះបណ្ដុះបណ្ដាលវិធីសង្គ្រោះបឋមដល់ប្រជាសហគមន៍តំបន់ការពារធម្មជាតិពាមក្រសោប នៅឃុំពាមក្រសោប ស្រុកមណ្ឌលសីមា ខេត្តកោះកុង ក្នុងគោលបំណងពង្រឹងចំណេះដឹង និងសមត្ថភាពដល់ពួកគាត់ក្នុងការសង្គ្រោះបឋមទៅតាមបច្ចេកទេសត្រឹមត្រូវ ដើម្បីអាចជួយធ្វើការសង្គ្រោះបឋមដល់ជនរងគ្រោះ ប្រសិនបើមានប្រជាពលរដ្ឋជួបឧប្បត្តិហេតុផ្សេងៗនៅក្នុងសហគមន៍។

បញ្ឈប់ទម្លាប់តាមគ្នាក្នុងការសង្គ្រោះបឋមដែលមិនត្រឹមត្រូវ ឈ្វេងយល់ពីវិធីសង្គ្រោះបឋមទៅតាមបច្ចេទេសត្រឹមត្រូវ ចេះនិងអនុវត្តវិធីសង្គ្រោះបឋមបានត្រឹមត្រូវ មានឱកាសអាចជួយជនរងគ្រោះដែលរងហានិភ័យដល់អាយុជីវិតឱ្យរួចផុតពីសេចក្ដីស្លាប់បាន ។