កិច្ចប្រជុំពិគ្រោះយោបល់អំពីការវាយតម្លៃហេតុប៉ះពាល់បរិស្ថាននិងសង្គមពេញលេញលើគម្រោងអភិវឌ្ឍន៍រមនីយដ្ឋានកោះស្មាច់
កិច្ចប្រជុំពិគ្រោះយោបល់អំពីការវាយតម្លៃហេតុប៉ះពាល់បរិស្ថាននិងសង្គមពេញលេញលើគម្រោងអភិវឌ្ឍន៍រមនីយដ្ឋានកោះស្មាច់
រដ្ឋបាលខេត្តកោះកុង៖ លោក សុខ សុទ្ធី អភិបាលរង នៃគណៈអភិបាលខេត្តកោះកុង បានដឹកនាំកិច្ចប្រជុំពិគ្រោះយោបល់អំពីការវាយតម្លៃហេតុប៉ះពាល់បរិស្ថាន និងសង្គមពេញលេញលើគម្រោងអភិវឌ្ឍន៍រមនីយដ្ឋានកោះស្មាច់ ដែលស្ថិតនៅឃុំកោះស្តេច ស្រុកគីរីសាគរ ខេត្តកោះកុង។
លោក សុខ សុទ្ធី បានថ្លែងអំណរគុណ និងគាំទ្រដល់គម្រោងវិនិយោគនេះ និងបានស្នើឱ្យក្រុមហ៊ុនគិតគូរ និងកែសម្រួលនូវអ្វីដែលក្រុមការងារបានលើកឡើងក្នុងកិច្ចប្រជុំនេះ។ ទន្ទឹមនឹង លោកបានស្នើសុំឱ្យក្រុមហ៊ុនជួយនូវ ឡដុតសំរាមចំនួន ១ ដល់រដ្ឋបាលស្រុកគិរីសាគរ ដើម្បីបង្កើនប្រសិទ្ធភាពក្នុងការគ្រប់គ្រងសំណល់រឹង សំរាម។
សូមជម្រាបថាគម្រោងអភិវឌ្ឍន៍កោះស្មាច់នេះ ត្រូវបានវិនិយោគដោយក្រុមហ៊ុន Koh Smach Island Resort Developments Co., Ltd ក្នុងទុនវិនិយោគចំនួន ៦២,០០០,០០០ ដុល្លារ ដោយមានកិច្ចសន្យា ៥០ ឆ្នាំ លើផ្ទៃដីទំហំ ១៦០ ហិកតា (ទំហំកោះស្មាច់ទាំងមូល ៣១៥,៨៤ ហិកតា)។ បន្ថែមពីលើនេះ ព្រៃបៃតង ៦០% នៃផ្ទៃដីកោះសរុបនឹងត្រូវបានរក្សាទុក ដើម្បីជាការទាក់ទាញភ្ញៀវជាតិ និងអន្តរជាតិមកសម្រាកលំហែកាយ៕
