រដ្ឋបាលខេត្តកោះកុង

ក្រុមអធិការកិច្ចខណ្ឌរដ្ឋបាលជលផលកោះកុង បានចេញប្រតិបត្តិការត្រួតពិនិត្យ និងទប់ស្កាត់បទល្មើសជលផល នៅក្នុងឆកកំពង់សោម ប្រទះឃើញទូកយន្តចំនួន ០១គ្រឿង កំពុងនេសាទដោយឧបករណ៍នេសាទលបកន្ទុយកណ្តុរ ឬលបមុខ១០០ ឬលបពោះវៀនជ្រូក ដែលជាប្រភេទបទល្មើសជលផល ” នេសាទដោយឧបករណ៍នេសាទដែលគ្មានកំណត់ក្នុងប្រកាសរបស់រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ ដែលនាំមកនូវការបំផ្លាញមច្ឆជាតិ ធនធានជលផល ប្រព័ន្ធអេកូឡូស៊ីជលផល ” នៅភូមិសាស្ត្រឃុំថ្មស ស្រុកបូទុមសាគរ ខេត្តកោះកុង។

ក្រុមការងារអធិការកិច្ចខណ្ឌរដ្ឋបាលជលផលកោះកុង បាន ៖

១-ធ្វើកិច្ចសន្យាបញ្ឈប់ការនេសាទដោយឧបករណ៍លបកន្ទុយកណ្តុរ ឈ្មោះ រុំ រ័ត្ន ភេទប្រុស អាយុ ២១ឆ្នាំ មានទីលំនៅភូមិថ្មស ឃុំថ្មស ស្រុកបូទុមសាគរ ខេត្តកោះកុង។

២-ដកហូតវត្ថុតាងលបកន្ទុយកណ្តុរចំនួន ៣០ខ្សែ ស្មើនឹង ២៤០ម៉ែត្រ យកមកថែរក្សាទុកនៅស្នាក់ការផ្នែករដ្ឋបាលជលផលបូទុមសាគរ។

ថ្ងៃចន្ទ ៦រោច ខែចេត្រ ឆ្នាំរោង ឆស័ក ព.ស ២៥៦៧ ត្រូវនឹងថ្ងៃទី២៩ ខែមេសា ឆ្នាំ២០២៤

ប្រភព ៖ មន្ទីរកសិកម្ម រុក្ខាប្រមាញ់ និងនេសាទខេត្តកោះកុង