មន្ទីរអប់រំ យុវជន និងកីឡាខេត្តកោះកុង៖ ក្រសួងព្រះមរបរាជវាំង បានប្រគល់សៀវភៅកម្រងរូបភាព ស្តីពីព្រះរាជសកម្មភាព និងព្រះរាជសមិទ្ឋផល ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៍ខ្ពង់ខ្ពស់បំផុត និងសៀវភៅព្រះរាជសមិទ្ធផល សម្តេចព្រះមហាក្សត្រី ព្រះវររាជបិតា "ព្រះបរមរតនកោដ្ធ" ជាទីគោរពសក្ការៈដ៍ខ្ពង់ខ្ពស់បំផុត នៅរាជធានី-ខេត្តនានា ទូទាំងព្រះរាជណាចក្រកម្ពុជា ជូនដល់មន្ទីរអប់រំ យុវជន និងកីឡាខេត្តកោះកុង មានចំនួនសរុប ៦៣៥ក្បាល សម្រាប់តម្កល់ទុកក្នុងបណ្ណាល័យ វិទ្យាល័យ នៅក្នុងខេត្តកោះកុង (សរុបមានចំនួន ១២សាលា)។ ក្នុងនោះដែរសៀវភៅដែលមន្ទីរទទួលបានមាន៖
- សៀវភៅកម្រងរូបភាពស្តីពី ព្រះរាជសកម្មភាព និងព្រះរាជសកម្មភាព និងព្រះរាជសមិទ្ធផល ព្រះករុណាជាអម្ចាស់ ជីវិតលើត្បូង ជាសក្ការៈដ៍ខ្ពង់ខ្ពស់បំផុត សរុបចំនួន ៥១២ក្បាល៖ រាប់ចាប់តាំងពីឆ្នាំ២០០៤ ដល់ ២០២២។
- សៀវភៅកម្រងរូបភាពស្តីពី ព្រះរាជសកម្មភាព និងព្រះរាជសមិទ្ធផល សម្តេចព្រះមហាក្សត្រមហាក្សត្រី ព្រះវររាជមាតាជាតិខ្មែរ ជាទីគោរព សក្ការៈដ៍ខ្ពង់ខ្ពស់បំផុត សរុប៤១ក្បាល៖ ចាប់ពីឆ្នាំ២០១៣ ដល់ ២០២២។
- សៀវភៅកម្រងរូបភាពស្តីពី ព្រះរាជសកម្មភាព និងព្រះរាជសមិទ្ធផល ព្រះករុណាព្រះបវររាជបិតា " ព្រះមរបរតនកោដ្ឋ" ជាទីគោរពសក្ការៈដ៍ខ្ពង់ខ្ពស់បំផុត សរុបចំនួន ៨១ក្បាល ចាប់ពីឆ្នាំ ១៩៩៣ ដល់២០០៨។
ថ្ងៃព្រហស្បតិ៍ ១១រោច ខែផល្គុន ឆ្នាំថោះ បញ្ចស័ក ព.ស២៥៦៧
ត្រូវនឹងថ្ងៃទី៤ ខែមេសា ឆ្នាំ២០២៤
អត្ថបទដោយ៖ ឡុច ភារុន
