រដ្ឋបាលខេត្តកោះកុង

សាខា កក្រក ខេត្តកោះកុង៖ ដោយមានការគិតគូរខ្ពស់ពីសុខសុវត្ថិភាពដល់ ពុកម៉ែ បងប្អូនប្រជាពលរដ្ឋដែលធ្វើដំណើរនៅតាមដងផ្លូវ សាធារណៈ នៅព្រឹកថ្ងៃសុក្រ ទី១៥ ខែមីនា ឆ្នាំ២០២៤ លោកជំទាវ មិថុនា ភូថង ប្រធានគណៈកម្មាធិការសាខាកាកបាទក្រហមកម្ពុជាខេត្តកោះកុង បានចាត់ឱ្យលោក ឈួន យ៉ាដា នាយកសាខា ដឹកនាំក្រុមប្រតិបត្តិសាខា សហការជាមួយ មន្ត្រីនគរបាលចររចរណ៍ ក្រុងខេមរភូមិន្ទ បានដឹកនាំកម្លាំងយុវជន ចុះអប់រំផ្សព្វផ្សាយផ្ទាល់ពីសុវត្ថិភាពចរាចរណ៍ដល់ ប្រជាពលរដ្ឋដែលធ្វើដំណើរតាមដងផ្លូវសាធារណៈ នៅចំណុចរង្វង់មូល យាយរែកផ្លែឈើ ក្នុងក្រុងខេមរភូមិន្ទ ខេត្តកោះកុង ។

ចំពោះការចុះអនុវត្តការងារសុវត្ថិភាពចរាចរណ៍ខាងលើ គឺក្នុងគោលបំណងជួយក្រើនរម្លឹកដល់បងប្អូនប្រជាពលរដ្ឋទូទៅ ដែលបាននិងកំពុងធ្វើដំណើរលើដងផ្លូវសាធារណៈ ត្រូវមានការភ្ញាក់រឭកខ្ពស់ ត្រូវគោរពច្បាប់ចរាចរណ៍ផ្លូវគោកដូចជា៖ ,ស្លាកសញ្ញា ,គំនូសសញ្ញាបញ្ជាចរាចរណ៍ ,កុំបើកបរហួសល្បឿនដែលច្បាប់បានកំណត់ ,កុំបើកបរជែងគ្នា ,បើកបរទោចក្រយានយន្តត្រូវពាក់មួកសុវត្ថិភាពឲ្យបានត្រឹមត្រូវ និងការបើកបរត្រូវមានសុជីវធម៌ សីលធម៌ខ្ពស់ជានិច្ច ដើម្បីចៀសវាងបាននូវបញ្ហាប្រឈមដោយគ្រោះថ្នាក់ចរាចរណ៍ ដែលអាចនឹងកើតមានឡើងនៅគ្រប់ពេលវេលាដោយថាហេតុ ។ នៅក្នុងពេលជាមួយគ្នានេះ ក្រុមការងារ ក៏បានធ្វើការផ្សព្វផ្សាយបញ្ជ្រាបនូវការចូលរួមការកាត់បន្ថយការប្រើប្រាស់ប្លាស្ទិកផងដែរ ។

លទ្ធផលសម្រេចបានដូចខាងក្រោម ៖

-អ្នកចូលរួមអនុវត្តសរុប ៖ ១៤នាក់ ស្រី ៣នាក់ ។

-អ្នកទទទួលផលសរុប ៖ ១៣០នាក់ ក្នុងនោះ ស្រី ៦៨នាក់ ។

-សម្ភារបានចែកជូនប្រជាពលរដ្ឋមាន៖ខិត្តប័ណ្ណស្តីពីការពាក់មួកត្រឹមត្រូវ ៥០សន្លឹក ,បិទស្ទិកឃ័រចំណាំងផ្លាតលើយានយន្តចំនួន ៥០សន្លឹក
ប្រការសំខាន់ៗដែលត្រូវយល់ដឹងចំពោះអ្នកប្រើប្រាស់ផ្លូវ ៥០សន្លឹក