ថ្ងៃអាទិត្យ ៥កើត ខែពិសាខ ឆ្នាំជូត ទោស័ក ព.ស២៥៦៣
ត្រូវនឹងថ្ងៃទី២៦ ខែ មេសា ឆ្នាំ២០២០ លោក ប្រាក់ វិចិត្រ អភិបាលស្រុក និង លោក សេង សាយ សមាជិកក្រុមប្រឹក្សាស្រុក តំណាងឲ្យលោកប្រធានក្រុមប្រឹក្សាស្រុក និងតំណាងបងប្អូនមន្ត្រីរាជការ កងកម្លាំងប្រដាប់អាវុធស្រុកមណ្ឌលសីមានៃខេត្តកោះកុង បានអញ្ជើញចូលរួមគោរពវិញ្ញាណក្ខន្ធ លោកស្រី ឈុន រ៉ាវុធ អភិបាលរង នៃគណៈអភិបាលខេត្តកោះកុង និងចូលរួមរំលែកទុក្ខដ៏ក្រៀមក្រំជាមួយក្រុមគ្រួសារនៃសព និងសូមបួងសួងឱ្យវិញ្ញាណក្ខន្ធលោកស្រីបានបដិសន្ធិវិញ្ញាណក្នុងសុគតិភព នៅគេហដ្ឋានលោកស្រី រាជធានីភ្នំពេញ ។
