លោក ចា ឡាន់ ប្រធានកិត្តិយសអនុសាខា លោក ប្រាក់ វិចិត្រ ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកមណ្ឌលសីមា ដឹកនាំក្រុមការងារ អញ្ជើញចុះសួរសុខទុក្ខ និងនាំយកអំណោយ មនុស្សធម៌ផ្តល់ជូនគ្រួសារងាយរងគ្រោះជួបការលំបាក ចំនួន០៥នាក់ និងប្រគេនទេយ្យទាន វត្តសាគររាម (វត្តពាមក្រសោប) និងវត្តប៉ាក់ខ្លង (វត្តសមុទ្ធារាម) ស្ថិត ស្រុកមណ្ឌលសីមា ខេត្តកោះកុង។
នាឱកាសនោះលោកប្រធានកិត្តិយសអនុសាខា បានពាំនាំនូវប្រសាសន៍ផ្ដាំផ្ញើសួរសុខទុក្ខពីលោកជំទាវ មិថុនា ភូថង ប្រធានគណៈកម្មាធិការសាខា កក្រក ខេត្តកោះកុង ពិសេសសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប ជួបការលំបាកដូចពេលនេះ ដោយ មិនប្រកាន់វណ្ណៈ ពណ៌សម្បុរ ជំនឿសាសនា ឬនិន្នាការនយោបាយណាមួយឡើយ ។
ក្រុមការងារក៏បានធ្វើការ ណែនាំ វិធីដើម្បីបង្ការ និង វិធីកាត់បន្ថយហានិភ័យពីការឆ្លង ជំងឺកូវីដ១៩ តាមការណែនាំរបស់ក្រសួងសុខាភិបាល ដល់បងប្អូនប្រជាពលរដ្ឋទាំងអស់នៅក្នុងពិធីនេះផងដែរ។
សម្រាប់ព័ត៌មានបន្ថែមអំពីជំងឺកូវីដ សូមទំនាក់ទំនងលេខ១១៥ ដោតឥតគិតថ្លៃ ។
សម្ភារដែលអនុសាខា ផ្តល់ជូនមីរួមមាន៖ អង្ករ២០គក្រ គ្រឿងឧបភោគបរិភោគ០១កញ្ចប់ និងទឹកសុទ្ធ០១យួរ។
ដោយឡែកទេយ្យទានប្រគេនក្នុងវត្តមាន៖អង្ករ១០០គក្រ ទឹកត្រី០១យួរ ទឹកស៊ីអ៊ីវ០១យួរ ប្រេងសណ្តែក០១ដបធំ ត្រីខ ០២យួរ ស្កសរ០៣គក្រ ប៊ីចេង០១ថង់ មី០២កេស និងថវិកា២០០.០០០រៀលផងដែរ។
ប្រភព : សាខាកាកបាទក្រហមកម្ពុជាខេត្តកោះកុង
