គណៈប្រតិភូនៃក្រសួងសុខាភិបាល ចុះអភិបាល ពិនិត្យពីតម្រូវការ និងការគាំទ្រដល់ការផ្ដល់សេវាសុខាភិបាលនៅមន្ទីរពេទ្យបង្អែកខេត្តកោះកុង។
ថ្ងៃចន្ទ ៤ រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៩ ខែមករា ឆ្នាំ២០២៤។
នៅព្រឹកថ្ងៃចន្ទ ៤ រោច ខែបុស្ស ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២៩ ខែមករា ឆ្នាំ២០២៤ ឯកឧត្តម ង៉ូវ កាង រដ្ឋលេខាធិកាក្រសួងសុខាភិបាល ដំណាងដ៏ខ្ពង់ខ្ពស់ឯកឧត្តមសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល អមដំណើរដោយលោកវេជ្ជបណ្ឌិត សុខ ស្រ៊ុន ប្រធាននាយកដ្ឋានប្រយុទ្ធនឹងជំងឺឆ្លងនៃក្រសួងសុខាភិបាល ចុះអភិបាល ពិនិត្យពីតម្រូវការ និងការគាំទ្រដល់ការផ្ដល់សេវាសុខាភិបាល នៅមន្ទីរពេទ្យបង្អែកខេត្តកោះកុង។
នេះជាការយកចិត្តទុកដាក់ខ្ពស់របស់ថ្នាក់ដឹកនាំក្រសួងសុខាភិបាល ចំពោះមូលដ្ឋានសុខាភិបាលថ្នាក់ក្រោមជាតិ ដើម្បីឆ្លើយតបទៅនឹងផែនការយុទ្ធសាស្រ្តជាតិ និងក្រសួងសុខាភិបាល ក្នុងការពង្រឹងវិស័យសុខាភិបាលឱ្យកាន់តែមានគុណភាព ប្រសិទ្ធភាព និងសមធម៌ ។
