ប្រធានការិយាល័យសុវត្ថិភាពចរាចរណ៍បានចូលរួមសហការជាមួយក្រុមការងារត្រួតពិនិត្យលក្ខណៈបច្ចេកទេសយានយន្ត (ឆៀក) របស់ក្រុមហ៊ុនន CMVIC ក្នុងការត្រួតពិនិត្យលក្ខណៈបច្ចេកទេសយានយន្តបានចំនួនសរុប២៦៥គ្រឿង ក្នុងនោះបានផ្តល់ជូនសៀវភៅច្បាប់ស្តីពីចរាចរណ៍ផ្លូវគោក ចំនួនសរុប ១២០ក្បាល និងផ្ទាំងបិទរថយន្ត “ថ្ងៃនេះ ថ្ងៃស្អែក កុំឲ្យមានគ្រោះថ្នាក់ចរាចរណ៍” ចំនួនសរុប ១៥ផ្ទាំង
រយះពេល៥ថ្ងៃ គិតចាប់ពីថ្ងៃទី២២ ដល់ថ្ងៃទី២៦ ខែមករា ឆ្នាំ២០២៤ លោកស្រី កង ភិរម្យ ប្រធានការិយាល័យសុវត្ថិភាពចរាចរណ៍ នៃមន្ទីរសាធារណការ និងដឹកជញ្ជូនខេត្តកោះកុង បានចូលរួមសហការជាមួយក្រុមការងារត្រួតពិនិត្យលក្ខណៈបច្ចេកទេសយានយន្ត (ឆៀក) របស់ក្រុមហ៊ុនន CMVIC ក្នុងការត្រួតពិនិត្យយានយន្ត និងបានអប់រំ ផ្សព្វផ្សាយស្ដីពីចរាចរណ៍ផ្លូវគោក ដល់ម្ចាស់យានយន្តមកឆៀកឲ្យយកចិត្តទុកដាក់ខ្ពស់ក្នុងការបើកបរ ចូលរួមគោរពច្បាប់ចរាចរណ៍ ដើម្បីកាត់បន្ថយគ្រោះថ្នាក់នៅលើដងផ្លូវ នៅទីតាំងតារាងបាល់ទាត់ (ទល់មុខសាលាដំបូងខេត្ត) ក្រុងខេមរភូមិន្ទ ក្រុមការងារបានត្រួតពិនិត្យយានយន្តសរុបចំនួន ២៦៥គ្រឿង ក្នុងនោះបានផ្តល់ជូនសៀវភៅច្បាប់ស្តីពីចរាចរណ៍ផ្លូវគោក ចំនួនសរុប ១២០ក្បាល និងផ្ទាំងបិទរថយន្ត “ថ្ងៃនេះ ថ្ងៃស្អែក កុំឲ្យមានគ្រោះថ្នាក់ចរាចរណ៍” ចំនួនសរុប ១៥ផ្ទាំង។
