ស្រុកកោះកុង ៖ ថ្ងៃសុក្រ ១០ រោច ខែចេត្រ ឆ្នាំជូត ទោស័ក ពុទ្ធសករាជ ២៥៦៣ ត្រូវនឹងថ្ងៃទី១៧ ខែមេសា ឆ្នាំ២០២០ គណៈកម្មាធិការលទ្ធកម្មស្រុកកោះកុង បានរៀបចំកិច្ចប្រជុំពិភាក្សាការងារមួយចំនួននៃការអនុវត្តកិច្ចលទ្ធកម្មសាធារណៈ ក្រោមការដឹកនាំដោយលោក ជា សូវី អភិបាល និងជាប្រធានគណៈកម្មាធិការលទ្ធកម្ម និងមានការចូលរួមពីលោកស្រី អ៊ិន សុភី អនុប្រធាន និងសមាជិកគណៈកម្មាធិការលទ្ធកម្មសរុប ៩រូប ស្រី ០១រូប នៅសាលប្រជុំសាលាស្រុកកោះកុង។
ក្នុងកិច្ចប្រជុំនោះផង អង្គភាពលទ្ធកម្មបានរាយការណ៍ពីសកម្មភាពការងារនៃការអនុវត្តកិច្ចលទ្ធកម្មសាធារណៈ និងរបាយការណ៍ប្រចាំត្រីមាសទី១ ជូនគណៈកម្មាធិការ និងបានលើកការសុំយោបល់លើកិច្ចការងារមួយចំនួនពីលោកប្រធាន និងគណៈកម្មាធិការ ដើម្បីរៀបចំកិច្ចដំណើរការលទ្ធកម្មសាធារណៈ ឱ្យសមស្របតាមនិតីវិធីកិច្ចលទ្ធកម្មសាធារណៈ តាមផែនការដើមឆ្នាំ២០២០។
ប្រភព ៖ អ៊ឹង បឺត
