រដ្ឋបាលខេត្តកោះកុង

លោក ឈេង ហៃ សមាជិកក្រុមប្រឹក្សាឃុំ បានដឹកនាំអាជ្ញាធរភូមិ រួមជាមួយប្រជាពលរដ្ឋក្នុងភូមិជីមាល អញ្ជើញចូលរួមកិច្ចប្រជុំពិភាគ្សាលើកទី២ ស្តីពីគម្រោងស្រះទឹកសហគមន៍លេខ CP011 មានទំហំ 126mx49m និងជម្រៅ 4.3m រួមទាំងរបងព័ទ្ធជុំវិញ បំពង់ប្រមូលទឹក ដាំស្មៅជុំវិញស្រះ ជណ្តើរចំនួន២ និងជាប្រភេទស្រះដី ស្ថិតក្នុងភូមិជីមាល ឃុំអណ្តូងទឹក ស្រុកបូទុមសាគរ ខេត្តកោះកុង ដែលទទួលបានការគាំទ្រដោយមន្ទីរអភិវឌ្ឍន៍ជនបទ និងដៃគូអភិវឌ្ឍន៍ នៅសាលប្រជុំសាលាឃុំអណ្តូងទឹក។គោលបំណងផ្សព្វផ្សាយ នៃគម្រោងស្រះទឹកខាងលើដើម្បីបង្ហាញគម្រូប្លង់ ប្រវត្តគម្រោង ការគ្រប់គ្រង សម្ភារៈបរិក្ខា និងអ្នកទទួលខុសត្រូវ ជូនដល់ប្រជាពលរដ្ឋដែលនឹងត្រូវទទួលផលពីគម្រោងនេះនាពេលខាងមុខ។

ប្រភព៖រដ្ឋបាលឃុំអណ្តូងទឹក

——————————–

ថ្ងៃចន្ទ ៥ កើត ខែបុស្ស ឆ្នាំថោះបញ្ចស័ក ពុទ្ធសករាជ ២៥៦៧ត្រូវនឹងថ្ងៃទី១៥ ខែមករា ឆ្នាំ២០២៤January 15, 2024វេលាម៉ោង០២:០០នាទីរសៀល