សេចក្តីជូនដំណឹង
ស្តីពីកម្មវិធីប្រកួតប្រជែង "ទីក្រុងដែលមានពិធីបុណ្យឆ្លងឆ្នាំសកលល្អជាងគេប្រចាំឆ្នាំ” (Best Countdown City of the Year)

រដ្ឋបាលខេត្តកោះកុង មានកិត្តិយសសូមជម្រាបជូនសាធារណជន ឱ្យបានជ្រាបថា អនុវត្តតាមអនុសាសន៍ដ៏ខ្ពង់ខ្ពស់បំផុតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា កាលពីថ្ងៃទី២៧ ខែធ្នូ ឆ្នាំ២០២៣ ក្នុងពិធីសម្ពោធដាក់ឱ្យប្រើប្រាស់ប្រព័ន្ធបង្ហូរទឹកកខ្វក់ក្នុងរាជធានីភ្នំពេញ និងដើម្បីចូលរួមអបអរសាទរ ពិធីបុណ្យឆ្លងចូលឆ្នាំថ្មីឆ្នាំសកល ២០២៣ ដែលនឹងប្រព្រឹត្តទៅនាថ្ងៃទី៣១ ខែធ្នូ ឆ្នាំ២០២៣ ខាងមុខនេះ គណៈកម្មាធិការជាតិវាយតម្លៃទីក្រុងស្អាត ក្រសួងទេសចរណ៍ នឹងរៀបចំកម្មវិធីប្រកួតប្រជែង "ទីក្រុងដែល មានពិធីបុណ្យឆ្លងឆ្នាំសកលល្អជាងគេប្រចាំឆ្នាំ" (Best Countdown City of the Year)។ កម្មវិធីប្រកួតប្រជែងនេះរៀបចំឡើងដោយផ្អែកលើលក្ខណៈពិសេសដូចជា ការតុបតែងរចនាលម្អ អនាម័យ និងបរិស្ថាន សន្តិសុខ សុវត្ថិភាព និងសណ្តាប់ធ្នាប់ ភាពពេញចិត្ត និងការសប្បាយរីករាយរបស់ភ្ញៀវទេសចរ និងអ្នកចូលរួម។ ក្នុងន័យនេះ រដ្ឋបាលខេត្តកោះកុង សូមអំពាវនាវដល់ សាធារណជន មេត្តាចូលរួមបោះឆ្នោតគាំទ្រទីក្រុង ដែលលោកអ្នកពេញចិត្តជាងគេបំផុត ឱ្យបានផុសផុល តាមរយៈគេហទំព័រ http://bestcountdowncity.cambodiacleancity.com ចាប់ពីម៉ោង ៥ ល្ងាច ថ្ងៃទី៣១ ខែធ្នូ ឆ្នាំ២០២៣ រហូតដល់ម៉ោង ៥ល្ងាច ថ្ងៃទី០២ ខែមករា ឆ្នាំ២០២៤។ សូមអរគុណ!