រដ្ឋបាលខេត្តកោះកុង

លោក ឃៀង យិង មេឃុំអណ្តូងទឹក បានដឹកនាំក្រុមការងារភូមិ ចូលរួមអមដំណើរលោក ពេជ្រ សិលា អភិបាលរង នៃគណៈអភិបាលស្រុក អញ្ជើញចុះពិនិត្យការសាងសង់ផ្ទះជូនកូនកំព្រា ឪពុក ម្តាយ ចំនួន៤នាក់ ស្ថិតក្នុងភូមិប្រៃ ឃុំអណ្តូងទឹក ស្រុកបូទុមសាគរ ខេត្តកោះកុង។

     លោកអភិបាលរង ក៏បានពាំនាំពាក្យពេជន៍ផ្តាំសួរសុខទុក្ខ និងយកចិត្តទុកដាក់ពីសំណាក់ លោកអភិបាលស្រុក ចំពោះក្មួយៗទាំង៤ និងសូមក្មួយៗបើអាចចូលរៀនឡើងវិញ តែបើចង់បន្តការសិក្សាអាហារូបករណ៍លើជំនាញខ្លីៗ រដ្ឋបាលស្រុក ក៏មានផ្តល់ជូន តែសូមក្មួយៗកុំយកខ្លួនទៅប្រព្រឹត្តនូវអំពើដែលផ្ទុយពីសង្គម ដើម្បីក្លាយជាយុវជនល្អ មានសមត្ថភាព ក្នុងឆន្ទៈអភិវឌ្ឍន៍ភូមិ ឃុំ ស្រុក របស់យើង។

ប្រភពរដ្ឋបាលឃុំអណ្តូងទឹក

——————————–

ថ្ងៃសុក្រ ១០ កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧ ត្រូវនឹងថ្ងៃទី២២ ខែធ្នូ ឆ្នាំ២០២៣