រដ្ឋបាលខេត្តកោះកុង

បណ្ឌិត អ៊ុក ភ័ក្ត្រា អភិបាលរង នៃគណៈអភិបាលខេត្តកោះកុង បានអញ្ជើញចូលរួមកម្មវិធីបណ្តុះបណ្តាលគ្រប់គ្រងកម្រិត២ រៀបចំដោយសាលាជាតិរដ្ឋបាលមូលដ្ឋាន ក្រសួងមហាផ្ទៃ។ វគ្គបណ្តុះបណ្តាលនេះមានរយៈពេល១៥ថ្ងៃ ស្មើនឹង ៦០ម៉ោង ចាប់ពីថ្ងៃទី០៤ ដល់ថ្ងៃទី២២ ខែធ្នូ ឆ្នាំ២០២៣ ដោយរៀបចំឆ្លាស់គ្នា តាមប្រព័ន្ធហ្ស៊ីម (ZOOM) និងនៅទីស្ដីការក្រសួងមហាផ្ទៃ ដោយផ្តោតសំខាន់លើការគ្រប់គ្រងរដ្ឋបាលសាធារណៈ កំណែទម្រង់វិមជ្ឈការ និងវិសហមជ្ឈការ អភិបាលកិច្ចល្អ ភាពជាអ្នកដឹកនាំ និងយុទ្ធសាស្រ្តបញ្ចកោណរបស់រាជរដ្ឋាភិបាល អាណត្តិទី ៧។