លោក សុខ វីន តំណាងលោក ង៉ែត ឡឹង ប្រធានមន្ទីរអប់រំ យុវជន និង កីឡាបានទទួលជួបពិភាក្សាការងារជាមួយលោក ម៉ក់ សុខា នាយកប្រចាំប្រទេសរបស់អង្គការ UWS ថ្មី ប្រចាំព្រះរាជាណាចក្រកម្ពុជា។ក្នុងឱកាសនោះលោក សុខ វីន បានជម្រាបពី (១)លទ្ធផលសំខាន់នៃការបំពេញការងាររយៈពេល១ឆ្នាំកន្លង មក (២) ទិសដៅរបស់ មន្ទីរអប់រំ យុវជន និង កីឡា (៣) បញ្ហាប្រឈមលើវិស័យអប់រំ ក្នុង ខេត្តកោះកុង ជូនក្រុមការងារបានជ្រាប និងស្វែងយល់បន្ថែម ។សូមបញ្ជាក់ថា កន្លងមក អង្គការ UWS បានជួយសាងសង់អគារសិក្សាអំពីឈើ នៅតាមសាលារៀនគោលដៅ ចំនួន ១០ ស្ថិតក្នុងស្រុកស្រែអំបិល បូទុមសាគរ គីរីសាគរ និង ស្រុកកោះកុង និង ផ្តល់សម្ភារសិក្សា បណ្ណាល័យ និង ប្រាក់ឧបត្ថម្ភគ្រូសហគមន៍។ បន្ទាប់ពីជំនួបពិភាក្សាដើម្បីបង្កើនទំនាក់ទំនង និងកិច្ចសហការរួចមក ក្រុមការងារក៏បានទៅទស្សនកិច្ច ស្វែងយល់ ស្ថានភាពអប់រំ នៅសាលាបឋមសិក្សាដីក្រហម សាលាបឋមសិក្សាពោធិ៍បឹង ស្រុកស្រែអំបិល និង ឧបសម្ព័ន្ធពាមក្រសោប២ ស្រុក មណ្ឌលសីមា ផងដែរ ។
