រដ្ឋបាលខេត្តកោះកុង

លោក អន សុធារិទ្ធ អភិបាលរង នៃគណៈអភិបាលខេត្ត បានដឹកនាំក្រុមការងារខេត្ត មន្ទីរជំនាញ និងអាជ្ញាធរមូលដ្ឋាន ចុះពិនិត្យទីតាំងស្នើសូមអាជ្ញាប័ណ្ណប្រកបអាជីវកម្មសេវាកម្មស្នាក់នៅទេសចរណ៍(ថ្មី) ១កន្លែង មានឈ្មោះ រីស៊ត ឆ្នេរកោងកាង របស់ឧកញ៉ា ស្រ៊ុន ប៊ុនថាត ស្ថិតនៅក្នុងភូមិនេសាទ ឃុំជ្រោយស្វាយ ស្រុកស្រែអំបិល ខេត្តកោះកុង ។ ជាលទ្ធផលក្រុមការងារពិនិត្យឃើញថា ទីតាំងស្នើសូមនេះបានរៀបចំកន្លែងស្នាក់នៅ សេវាកម្មម្ហូបអាហារ និងមានការថែរក្សាធម្មជាតិ និងប្រព័ន្ធគ្រប់គ្រងកាកសំណល់រឹង-រាវ បានល្អប្រសើរ ក្នុងនោះរដ្ឋបាលខេត្តនឹងចេញគោលការណ៍អនុញ្ញាតជូនផងដែរ។ លោកអភិបាលរងខេត្ត ក៏បានស្នើសុំម្ចាស់អាជីវកម្មត្រូវរៀបចំគុណភាពសេវាកម្មទេសចរណ៍ និងតម្លៃម្ហូបអាហារឲ្យបានសមរម្យជូនភ្ញៀវទេសចរដែលបានមកលេងកម្សាន្តនៅទីនេះផងដែរ។

ថ្ងៃសុក្រ ៣ កើត ខែមិគសិរ ឆ្នាំថោះ បញ្ចស័ក ពុទ្ធសករាជ ២៥៦៧
ត្រូវនឹងថ្ងៃទី១៥ ខែធ្នូ ឆ្នាំ២០២៣ December 15, 2023